Segir orð Ölmu í útvarpinu „gaslýst með tómri froðu“

Stefán Einar var eigi hrif­inn af mál­flutn­ingi heil­brigð­is­ráð­herra er hún mætti á útvarps­stöð­ina Bylgjuna í við­tal í þætt­inum Sprengi­sandur.

Hann sagði það hrein­lega „átak­an­legt að hlusta á Ölmu Möller heil­brigð­is­ráð­herra á Sprengisandi“ sem var „land­læknir í sex ár, frá 2018-2024 og nú ráð­herra.“

Segir orð Ölmu vera froðu.

„Og allt er afsakað og gaslýst með tómri froðu“ og „þegar Kristján Krist­jáns­son, [stjórn­andi þátt­ar­ins Sprengi­sandur, inn­skot blm] sem gengur ágæt­lega á hana og spyr hvernig á því standi að ekk­ert gangi að reisa ný hjúkr­un­ar­rými í land­inu (síð­ustu fimm ár fjölg­aði þeim aðeins um rúm­lega 60), þá segir ráð­herr­ann: "En það er ekki nóg að fjölga bara hjúkr­un­ar­rýmum." Auðvitað er það rétt, en biðlist­arnir eru gríð­ar­lega langir (500 manns um þessar mundir), og það væri gott fyrsta skref að koma nýjum hjúkr­un­ar­rýmum á kopp­inn.“

Bætir við:

„Meðal ann­ars þeim sem Dagur B. Egg­erts­son hefur komið í veg fyrir að geti risið (þrátt fyrir samn­ing þar um) í Graf­ar­vogi. Og hvert er helsta svar ráð­herr­ans við vand­anum: "Styrkja þarf stjórn­sýsl­una". Það þarf sumsé bara að fjölga því fólki sem hleypur eftir kaffi­bolla fyrir ráð­herr­ann og skrifar skýrslur um vand­ann sem eng­inn ætlar að leysa.“

Segir að end­ingu að ekk­ert muni breyt­ast í heil­brigð­is­kerf­inu þegar svona áber­andi og „æpandi getu­leysi við stjórn­völ­inn.