Mikið tap hjá Svövu í Sautján á síðasta ári

Fyr­ir­tækið NTC tap­aði 90 millj­ónum króna á árinu 2024 en Við­skipta­blaðið greinir frá þessu.

NTC rekur fjöl­margar versl­anir og má nefna Kultur, Smash og Gallerí Sautján sem dæmi en tapið skýrt að stórum hluta vegna bruna- og vatns­tjóns sem fyr­ir­tækið varð fyrir í Kringl­unni í fyrra en árið undan hafið fyr­ir­tækið hagn­ast um 27 millj­ónir.

For­stjór­inn Svava Johansen, oft nefnd Svava í Sautján, lét hafa eftir sér í fyrra að um væri að ræða stærsta tjón í sögu fyr­ir­tæk­is­ins.

„Ég var í vinnu­ferð og hélt þetta væri bara eitt­hvað lítið. Svo kom ég heim í gær­kvöldi og fór beint hingað upp í Kringlu og var hér í alla nótt. Þetta var bara, þetta var bara eins og hryðju­verk, þetta var bara skelfi­legt. Það var allt í reyk og maður gat ekki séð svona tvo metra fyrir framan sig,“ sagði Svava um brun­ann við Vísi.

„Eignir NTC voru bók­færðar á tæpan einn millj­arð króna í lok síð­asta árs og eigið fé var um 376 millj­ónir. Félagið hyggst greiða út arð að fjár­hæð 50 millj­ónir króna í ár,“ segir í frétt Við­skipta­blaðs­ins.