Rooney gagnrýnir Salah og efast um vinnusiðferði hans

Wayne Rooney skýtur fast á Mohamed Salah, stjörnu Liverpool, og dregur í efa vinnu­sið­ferði hans í nýju við­tali. Þá telur hann að komu nýrra leik­manna hafi hugs­an­lega sært stolt egypska fram­herj­ans. Liðið hefur nú tapað þremur leikjum í röð, síð­ast 2–1 gegn Chelsea í ensku úrvals­deild­inni.

Fyrrum fram­herj­inn hjá Everton og Manchester United spar­aði ekki stóru orðin þegar hann ræddi frammi­stöðu Salah eftir tapið gegn liði Enzo Maresca. Mark frá Estevao Willian í upp­bót­ar­tíma tryggði Chelsea sig­ur­inn og kom í veg fyrir að lið Arne Slot end­ur­heimti topp­sætið.

Rooney benti á að nýj­ustu leik­manna­kaup Liverpool gætu hafa ruglað Salah í rým­inu.

„Með leik­mönn­unum sem hafa komið, Isak, [Hugo] Ekitike og Wirtz, og öllum þessum pen­ingum sem varið hefur verið, hvað heldur Salah núna?“ spurði Rooney.

„Topp­leik­menn hafa sjálfs­á­lit, og Mo Salah hefur verið einn besti leik­maður deild­ar­innar lengi. En síð­asta vikan hefur sýnt að þegar gengur vel, þegar þú skorar og vinnur, þá er horft fram­hjá þessu, en und­an­farið myndi ég spyrja mig hvort vinnu­sið­ferði hans sé nægi­legt.“

Rooney hélt áfram: „Ég veit að hann kemur ekki alltaf til baka og hjálpar mikið í vörn­inni, en í Chelsea-leiknum var bak­vörð­ur­inn hans rif­inn í sundur, og hann horfði bara á. Leikmenn eins og Van Dijk og Alisson, sem þó lék ekki, ættu sem leið­togar í klef­anum að segja honum að hann verði að hjálpa til. Mér fannst það áhyggju­efni. Hann hefur virst svo­lítið týndur und­an­farið, að mínu mati.“

Rooney hefur áður látið í ljós áhyggjur af því að rán­dýr leik­maður eins og Alex­ander Isak gæti truflað ró Salah. Fyrr á tíma­bil­inu sagði hann að Salah kynni að vera „óánægður“ með komu Svíans, þar sem athyglin hefði færst af honum.

„Þótt Salah hafi verið besti leik­maður Liverpool í mörg ár, þá verður hann ekki sáttur við að Isak hafi komið inn og sé að fá athygl­ina,“ sagði Rooney í sept­em­ber.

„Þetta snýst um stolt, hann vill vera sá besti. Þegar við keyptum Tevez var talað um að við gætum ekki leikið saman. En þegar nýr leik­maður kom, hugs­aði ég alltaf: „Það er eng­inn að koma til að taka mitt sæti.“ Það gaf manni nátt­úru­lega auk­inn kraft.“