Íslenskur auðjöfur segist hafa borgað alltof mikið í skatt

Jóhann Haukur Gunn­ars­son, einn af tekju­hæstu mönnum Íslands, er ósáttur við íslenska skatt­heimtu en hann greinir frá því á Twitter.

„Ég hef borgað allt of mikið í skatta og fengið gott sem ekk­ert í stað­inn,“ skrifar Jóhann en hann var 370. sæti á Hátekju­lista Heim­ild­ar­innar þar sem hann var með 120.898.660 krónur í heild­ar­tekjur.

„Ég er korter frá því að flytja héðan. Hvað ger­ist þegar brain & tax drain fer að eiga sér stað á massa­vís?“ spyr Jóhann. „Ég alla­vega, upp­lifi mig betur tryggðan varð­andi heils­una á ferða­lögum erlendis í gegnum VISA kortið mitt en búandi nálægt Borg­ar­spít­ala,“ heldur hann áfram.

„Ef ég í minni stöðu er að upp­lifa ákveðna upp­gjöf á að vera hérna. Hvernig eru þá yngri menn og drengir að upp­lifa það? Þetta er ekki bara kostn­að­ur­inn og skatt­arnir, eða skortur á þjón­ustu, heldur upp­lifun af óþoli, jafn­vel hatri, gegn okkur sem við höfum fengið að mæta og þola árum saman og ekki mátt tala um. Á sama tíma eru karl­menn ann­ar­staðar frá teknir inn í massa­vís umfram konur og börn,“ skrif­aði Jóhann svo í annarri færslu og birtir hlekk á heima­síðu Hagstofu.

Jóhann starf­aði um tíma hjá CCP og sat í stjórn Pírata í Reykja­vík.