Gagnrýnir málflutning Þorgerðar Katrínar og útvarpstjóra um Eurovision

Margrét Kristín Blöndal eða Magga Stína eins og hún er iðu­lega kölluð, gagn­rýnir mál­flutn­ing Þor­gerðar Katrínar Gunn­ars­dóttur og Stefáns Eiríks­sonar útvarps­stjóra varð­andi snið­göngu Íslands í Eurovision á næsta ári. Það gerði Magga Stína í nýlegri Facebook-færslu.

Tón­listar- og bar­áttu­konan Magga Stína byrjar færslu sína á til­vitnun í orð utan­rík­is­ráð­herra Íslands í frétt RÚV, þar sem hún seg­ist ekki trúa því að ákvörðun RÚV um að keppa ekki í Eurovision í Vín­ar­borg á næsta ári, muni hafa áhrif á sam­skipti Íslands og Ísrels.

„Þor­gerður Katrín telur að ákvörð­unin muni ekki hafa áhrif á sam­skipti Íslands og Ísraels.“

„Á hún ekki að hafa áhrif á sam­skipti Íslands og Ísraels???
Er mik­il­vægt að ákvörðun RÚV í gær hafi ekki áhrif á sam­skipti Íslands við þjóð­ar­morð­ingj­ana?
Í hvaða leik­riti erum við stödd?“ spyr Magga Stína og heldur áfram:

„Þor­gerður Katrín Gunn­ars­dóttir og Stefán Eiríks­son eru sem sagt sam­mála um að ákvörð­un­ina um að snið­ganga Eurovision á næsta ári eigi ekki að skilja sem ein­hverja gagn­rýni eða snið­göngu á Ísrael.“

Hjálmtýr Heiðdal, for­maður félags­ins Ísland-Palest­ína segir í athuga­semd við færsl­una að um sé að ræða „gal­inn mál­flutn­ing“ Þor­gerðar Katrínar.

„Galinn mál­flutn­ingur - það er þjóð­ar­morðið sem liggur að baki hvað sem ÞKG segir.“

Magga Stína svarar Hjálmtý með hár­fínni kald­hæðni:

„Nei, það var bara þessi leið­inda­þrýst­ingur frá íslenskum almenn­ingi sem gerði að verkum að útvarps­stjóri sá sig loks til­neyddan til að hætta við þát­tök­una og ber við þeim leið­inda­móral sem hefur mynd­ast í kringum keppn­ina núna, en hann segir enn­fremur „RÚV er ekki að beita sér í þessu máli, RÚV er að taka sjálf­stæða ákvörðun, dag­skrár­tengda ákvörðun og í því eru ekki að fel­ast ein­hver póli­tísk skila­boð að okkar hálfu“.“

Bætir hún við að lokum að við­horf Stefáns og Þor­gerðar Katrínar sýni hvað við­horf þeirra til þjóð­ar­morðs­ins í Palest­ínu, hafa.

„Þetta við­horf útvarps­stjóra og und­ir­tektir utan­rík­is­ráð­herra segja kýr­skýra sögu um við­horf þeirra eftir að hafa fylgst með þjóð­ar­morðs­hr­inu Ísraels í beinni útsend­ingu í rúm­lega tvö ár og tvo mán­uði.“