„Hvað er eiginlega að þessu andskotans pakki í stjórnarandstöðunni?“

Björn Þor­láks­son, fjöl­miðla­maður hjá Sam­stöð­inni, gagn­rýnir stjórn­ar­and­stöð­una harð­lega í færslu á Facebook og segir þing­menn hennar hafa sökkt sér enn dýpra í „lág­kúru og eyði­legg­ing­ar­starf“ með áfram­hald­andi mál­þófi á Alþingi.

Björn vísar til umræð­unnar um kíló­metra­gjald og segir mál­þóf stjórn­ar­and­stöð­unnar þar enn eitt dæmið um hvernig fram­vindu mik­il­vægra mála sé vís­vit­andi tafið.

Hann tekur fram að hann sé sjálfur ósam­mála frum­varp­inu, en telur engu að síður að það rétt­læti ekki þá aðferða­fræði sem beitt sé á þing­inu.

Hann rifjar jafn­framt upp umræð­una um veiði­gjöld í sumar, þegar gripið var til sér­stakra ráð­staf­ana til að tryggja fram­gang þing­starfa. Að hans mati hefðu stjórn­ar­and­stöðu­flokk­arnir átt að draga lær­dóm af þeirri stöðu, ekki síst í ljósi fylgis­taps í skoð­ana­könn­unum í kjöl­farið.

„Í sumar í veiði­gjalda­um­ræð­unni þurfti að beita sér­stöku ákvæði til verndar lýð­ræð­inu. Ég hélt þau myndu læra af því og læra af hruni fylgis í skoð­ana­könn­unum í kjöl­farið. Almenn­ingur sendi þeim skýr skila­boð.“

Björn segir almenn­ing hafa sent skýr skila­boð um óánægju með vinnu­brögðin, en engu að síður haldi stjórn­ar­and­staðan áfram á sömu braut. Hann bendir á að í dag­legu lífi þurfi fólk oft að sætta sig við ákvarð­anir sem það hefur ekki stjórn á og láta þær ekki grafa undan sam­starfi, hvort sem er innan fjöl­skyldna eða á vinnu­stöðum.

Í færsl­unni vísar Björn einnig til skrifa Egils Helga, þar sem hann segir stjórn­mál fyrst og fremst eiga að snú­ast um sam­eig­in­leg mark­mið á borð við frið, öryggi og traust. Hann und­ir­strikar að núver­andi rík­is­stjórn hafi fengið lög­mætt umboð kjós­enda til að stýra land­inu í fjögur ár, óháð því hvaða flokkar skipi hana eða hversu reynslu­miklir þeir séu.

Að lokum gagn­rýnir Björn það sem hann lýsir sem stöðugan skæt­ing og móðg­un­ar­girni í stjórn­ar­and­stöð­unni og bendir á að hluti hennar vilji jafn­framt rjúfa EES-samn­ing­inn, sem hann kallar eina af helstu und­ir­stöðum vel­ferðar Íslands.

„Kannski er ekki mál­efna­legt að spyrja þannig: En hvað er eig­in­lega að þessu and­skot­ans pakki í stjórn­ar­and­stöð­unni?

Málþóf og aftur mál­þóf. Skæt­ingur á skæt­ing ofan. Móðg­un­ar­girni á móðg­un­ar­girni ofan.

Og einn þriðji stjórn­ar­minni­hlut­ans vill að auki að helstu vel­ferð­ar­mögu­leikum Íslands verði kippt úr sam­bandi, sjálfri gull­gæs­inni, þ.e.a.s. EES-samn­ingum?“