Á jaðarlóð við Strýtusel í Reykjavík er afar fallegt og hlýlegt einbýlishús sem sker sig úr fyrir vandaðan frágang, skýra skipulagningu og einstaka staðsetningu og er það til sölu.
Um er að ræða bjart og smekklegt þriggja hæða einbýlishús með mikilli lofthæð, staðsett á einum albesta stað í Seljahverfi þar sem friðsæld og náttúra setja sterkan svip á umhverfið.
Húsið stendur á rúmgóðri 919 fermetra jaðarlóð sem liggur að friðuðu svæði og er umlukin gróðri og náttúru. Lóðin er fallega ræktuð og býður upp á fjölbreytta möguleika til útiveru og samveru, með stórum palli, barnahúsi og vandaðri lýsingu sem nýtur sín vel bæði að degi og kvöldi.
Frábær staðsetning
Innan dyra er skipulag hússins einstaklega vel heppnað og hentar vel fyrir fjölskyldulíf. Svefnherbergin eru fjögur og öll rúmgóð, með möguleika á að útbúa fleiri herbergi eftir þörfum. Hjónaherbergið er sérlega glæsilegt og býður upp á tvö aðskilin fataherbergi, sem eykur bæði þægindi og geymslurými.
Staðsetningin er án efa einn stærsti kostur eignarinnar – einstaklega friðsæl, á jaðri friðaðs svæðis, þar sem náttúran er nánast hluti af bakgarðinum. Um leið er stutt í alla helstu þjónustu, skóla og samgöngur, sem gerir þetta að eftirsóknarverðum búsetukosti.
Húsið er 338.1m² að stærð og óska eigendur eftir tilboðum í húsið.
Athugasemdir