Eftirtektarvert listaverk ekki á vegum borgarinnar

Mikil umræða hefur skap­ast um nýtt lista­verk í miðbæ Reykja­víkur en verkið stendur í Kolagötu á móti Arn­ar­hóli.

Eins og sést á myndum myndar lista­verkið tölu­staf­ina 101 og þykir það nokkuð við­eig­andi miðað við stað­setn­ingu þess.

Verkið er þó ekki á vegum Reykja­vík­ur­borgar en sam­kvæmt upp­lýs­ingum frá borg­ar­yf­ir­völdum er það fast­eigna­fé­lagið Heimar sem kom því fyrir. Heimar er eig­andi versl­un­ar­rýma á jarð­hæðum húsa á Hafn­ar­torgi og hafa, sam­kvæmt upp­lýs­ingum frá borg­inni, fjár­fest í götu­gögnum og lista­verkum sem eru á staðnum í dag í sam­ráði við Reykja­vík­ur­borg. 

Verkið er hannað af erlendum aðilum hjá MK Illumination í sam­starfi við Garðlist og Heima. „Þetta eru sömu aðilar og hönn­uðu jóla­kött­inn glæsi­lega,“ segir Eva Bergþóra Guð­bergs­dóttir, sam­skipta­stjóri Reykja­víkur, um málið.

„Verkið er hugsað til fram­tíðar, hugs­unin er að setja það í mis­mun­andi bún­inga eftir árs­tíma. Kostn­aður er engin fyrir Reykja­vík­ur­borg, kaup, við­hald og upp­setn­ing er á höndum Heima.“

Mynd: Bryn­hildur Jens­dóttir