Viðskotaillur bílstjóri ók á gangandi vegfaranda

Lög­regl­unni barst í dag til­kynn­ing um tvö vinnu­slys í dag. Í öðru til­vik­inu slas­að­ist starfs­maður á fæti við störf sín og í hinu féll starfs­maður úr stiga. Ekki liggja fyrir frek­ari upp­lýs­ingar um meiðsli að svo stöddu.

Tilkynnt var um þjófnað í versl­un­ar­mið­stöð og er málið nú til rann­sóknar hjá lög­reglu. Þá var þrí­vegis til­kynnt um þjófnað í mat­vöru­verslun sama dag. Vett­vangs­skýrsla var rituð vegna þeirra mála.

Lögreglu barst einnig til­kynn­ing um lausan hund sem veist hafði að barni. Barnið slapp án meiðsla.

Þá var til­kynnt um umferð­ar­ó­happ þar sem bif­reið ók á gang­andi veg­far­anda. Um minni­háttar meiðsli var að ræða en öku­maður bif­reið­ar­innar var sagður við­skota­illur á vett­vangi.

Í nótt var brot­ist inn í verslun í umdæm­inu. Meintir ger­endur fund­ust í dag og voru þeir hand­teknir og vistaðir í fanga­klefa í þágu rann­sóknar máls­ins, sem nú er til rann­sóknar hjá lög­reglu.

Við umferð­ar­eft­ir­lit lög­reglu var bif­reið stöðvuð og reynd­ist öku­maður vera að aka sviptur öku­rétt­indum og undir áhrifum áfengis, þó undir refsi­mörkum.

Þá var skrán­ing­ar­merki fjar­lægt af bif­reið þar sem hún hafði ekki verið færð til aðal­skoð­unar innan til­skil­ins tíma.