Björn gagnrýnir „sundrungu“ meðal blaðamanna

Björn Þor­láks­son, þátta­stjórn­andi á Sam­stöð­inni, gagn­rýnir harð­lega það sem hann segir vera vax­andi sundr­ungu innan stéttar blaða­manna á Íslandi. Í færslu á Facebook fjallar hann sér­stak­lega um við­brögð við umdeildri umfjöllun Morg­un­blaðs­ins, svo­nefndu „bíla­kjall­ara­máli“ og á þá við for­síðu­frétt Morg­un­blaðs­ins frá í gær­morgun þar sem því var slegið fram sem stað­reynd að þeir sem hand­teknir voru fyrir lík­ams­árás á Höfða­torgi væru Hamas-liðar, eft­ir­lýstir af Interpol. Það reynd­ist hins vegar ekki rétt, sam­kvæmt til­kynn­ingu frá lög­regl­unni.

Björn segir að hann hafi orðið fyrir gagn­rýni frá öðrum blaða­mönnum eftir að hann fjall­aði um málið:

„Sumir blaða­menn hafa djöfl­ast í mér með einka­skila­boðum síðan ég skrif­aði um Moggann í gær og fjall­aði um með beittum hætti við Rauða borðið.“

Hann segir jafn­framt að krafa hafi verið gerð um að blaða­menn sýni sam­stöðu, en hafnar því að slíkt eigi við í öllum til­fellum:

„En maður getur vita­skuld ekki stutt kollega sína í hvaða vit­leysu sem er.“

Í færsl­unni leggur Björn áherslu á að kjarni góðrar blaða­mennsku felist í fag­legum vinnu­brögðum og gagn­rýnir það sem hann kallar „antí­blaða­mennsku“:

„Góð blaða­mennska er fyrst og fremst vinnu­brögð. Vinnu­brögð, verk­lag, agi. Nafnlaus skoð­ana­grein, klædd í gervi fréttar, for­síðu­æsi­skoð­ana­grein, með nafn­lausum heim­ildum, grein sem lög­regla ber til baka skömmu síðar [...] er and­stæða góðra vinnu­bragða.“

Hann telur umfjöllun af þessu tagi geta haft alvar­legar afleið­ingar í við­kvæmu sam­fé­lagi:

„Þegar um ræðir við­kvæmt mál á við­kvæmri stundu í við­kvæmum heimi þar sem bil milli manna og hópa eykst með hverju degi [...] geta aðrir blaða­menn vita­skuld ekki staðið með svo lág­kúru­legu höggi fyrir neðan belt­is­stað fólks í við­kvæmri stöðu.“

Þrátt fyrir gagn­rýn­ina segir Björn að margt gott fólk starfi hjá Morg­un­blað­inu, en telur að ákveðin öfl innan mið­ils­ins séu á villi­götum:

„Moggann skipar vænt fólk í stórum stíl [...] En öfl þarna inn­an­borðs eru á villi­götum. Þau nota áróð­urs­brögð undir hatti blaða­mennsku sem þau halda fram að sé gild, en er það ekki.“

Að lokum segir hann að blaða­menn eigi ekki að standa saman um allt, heldur fyrst og fremst um fag­leg vinnu­brögð:

„Við blaða­menn ættum ein­fald­lega að standa saman með góðri blaða­mennsku en standa gegn vit­leysu sem elur á sundr­ungu og for­dómum.“