Alvarleg hnífaárás átti sér stað í skóla í bænum Ancenis í vesturhluta Frakklandi í gær, þegar 15 ára karlkyns nemandi stakk jafnaldra sinn og særði hana lífshættulega.
Samkvæmt upplýsingum frá saksóknara var árásin framin í stigagangi skólans. Stúlkan hlaut alvarlega áverka á kvið og er mál hennar rannsakað sem tilraun til manndráps.
Gerandinn var yfirbugaður og afvopnaður af skólastjóra skólans skömmu eftir árásina. Saksóknari segir að um hafi verið að ræða persónulegan ágreining milli nemendanna og að þau kunni að hafa átt í nánum vinatengslum.
Lögregla fann hnífinn sem notaður var í árásinni auk skæra og fleiri hnífa í tösku drengsins. Skólinn var lokaður á meðan viðbragðsaðgerðir stóðu yfir. Um 700 nemendur voru lokaðir inni í kennslustofum og um 150 í íþróttasal.
Nemendur lýstu atvikinu sem afar ógnvekjandi. „Ég var lokaður inni í íþróttasalnum í meira en klukkutíma. Þetta var mjög erfitt,“ sagði einn nemandi í samtali við fjölmiðla.
Undanfarið hafa nokkrar hnífaárásir í skólum í Frakklandi vakið mikla athygli. Í febrúar síðastliðnum stakk 14 ára nemandi kennara alvarlega í suðurhluta landsins, og á síðasta ári lét aðstoðarmaður kennara lífið eftir árás nemanda í austurhluta Frakklands.
Rannsókn málsins stendur yfir.
Athugasemdir