Lektor segir tjáningarfrelsi á Vesturlöndum fara versnandi

Lektor við Háskóli Íslands, Ingólfur Gíslason, segir að tján­ing­ar­frelsi sé víða skert á Vest­ur­löndum þegar kemur að umræðu um Palest­ínu, sam­kvæmt Facebook-færslu sem hann birti í dag.

Í færsl­unni bendir hann á vax­andi aðgerðir yfir­valda á Vest­ur­löndum gegn mót­mæl­endum. Hann segir meðal ann­ars:

„Í Bret­landi er fólk raun­veru­lega hand­tekið fyrir að halda á spjaldi sem segir „I supp­ort Palestine Action“ og það er hand­tekið fyrir að pósta á sam­fé­lags­miðla skoð­unum á borð við „Ísrael ætti ekki að vera til“, og mót­mæla­göngur eru bann­aðar af lög­regl­unni í London.“

Þá bendir hann á að aðgerðir í Þýska­land séu enn harð­ari og segir: „Í Þýska­landi er ennþá harðar gengið fram gegn mál­flutn­ingi stuðn­ings­fólks rétt­lætis í Palest­ínu og lög­reglan beiti fólk hik­laust ofbeldi fyrir það eitt að klæð­ast Palest­ínu­klút og hrópa slag­orð á götum úti.“

Ingólfur nefnir einnig þróun í Banda­ríkin þar sem mót­mæli nem­enda hafi verið bæld niður.

„Í Banda­ríkj­unum voru stúd­enta­mót­mæli vorið 2024 barin niður með vald­beit­ingu lög­reglu og yfir­valda, fjöldi nem­enda var úti­lok­aður frá námi, háskóla­kenn­arar reknir og skóla­stofn­unum refsað með marg­vís­legum hætti.“

Hann fjallar jafn­framt um refsi­að­gerðir gegn alþjóða­stofn­unum og starfs­mönnum þeirra og segir:

„Banda­ríkin beita nú dóm­urum og öðru starfs­fólki Alþjóða saka­mála­dóm­stóls­ins refsi­að­gerðum sem fela í sér að fólkið getur ekki notað banka­reikn­inga, kredit­kort, ferð­ast frjálst milli landa og fleira og beitir auk þess sams­konar refsi­að­gerðum gegn starfs­fólki Sam­ein­uðu þjóð­anna.“

Þá segir hann enn­fremur að í Frakk­land hafi einnig verið gripið til aðgerða gegn orð­ræðu:

„Í Frakk­landi hefur fólki líka verið refsað fyrir meint brot gegn leyfi­legri orð­ræðu. Þingkona á Evr­ópu­þing­inu meðal ann­ars hand­tekin fyrir „að lof­sama hryðju­verk“ og þar stendur núna til að setja hert lög gegn öllum orðum sem megi mögu­lega túlka sem stuðn­ing við „hryðju­verk“.“

Að mati Ingólfs eru þetta dæmi um víð­tæka þróun þar sem stjórn­völd reyni að tak­marka umræðu. „Þetta eru bara örfá atriði í haf­sjó sem sýna hversu ger­sam­lega ein­stakt þjóð­ar­morðið í Palest­ínu er, að stjórn­völd stærstu valda­ríkja Vest­ur­landa gera allt sem þau gera til þess að kæfa niður vit­neskju um það, og hindra mögu­leika fólks til að eiga í sam­skiptum um það,“ skrifar hann.