Segir blaðamennsku á Íslandi í útrýmingarhættu

Rit­stjóri WikiLeaks, Kristinn Hrafns­son, gagn­rýnir harð­lega umræðu um íslenskan fjöl­miðla­markað og segir áróður fyrir hags­munum útgerð­ar­innar aug­ljósan. Þetta kemur fram í nýlegri Facebook-færslu hans þar sem hann bregst við frétt sem byggir á hlað­varps­við­tali á Brot­kast­inu við Jón G. Hauksson.

Í færsl­unni heldur Kristinn því fram að RÚV sé nú teiknað upp sem helsta ógnin við útgerð­ar­fyr­ir­tæki lands­ins og að mark­miðið sé að grafa undan starf­semi mið­ils­ins

„Áróð­ur­inn fyrir ólig­ar­k­ana í útgerð­inni er svo skemmti­lega gegn­sær. Nú er RÚV helsta ógnin gegn ægi­valdi útgerð­ar­innar og því skal ganga af því dauðu. Í besta heimi tug­millj­arða­mær­ing­ana er engin gagn­rýnin umfjöllun - og að því skal stefnt,“ skrifar hann.

Hann gagn­rýnir jafn­framt við­brögð við erlendri umfjöllun um íslenskan sjáv­ar­út­veg og segir mót­mæli við slíkri gagn­rýni ein­kenn­ast af tví­skinn­ungi. „Svo er fár­ast yfir að ,,eitt­hvað danskt dag­blað” skuli káfa upp á sér­hags­muni fárra auð­manna,“ segir í færsl­unni.

Kristinn telur stöðu blaða­mennsku á Íslandi vera alvar­lega og að hún standi höllum fæti. „Hið nöt­ur­lega er að í þessum mál­flutn­ingi end­ur­spegl­ast döpur staða alvöru blaða­mennsku á Íslandi. Að sumu leyti er hún í nauð­vörn og útrým­ing­ar­hættu,“ skrifar hann.

Að lokum varar hann við þró­un­inni og setur hana í víð­ara sam­hengi við stjórn­ar­far lands­ins. „Íslend­ingar eru korteri frá því að hætta að telj­ast lýð­ræð­is­ríki. Ólig­ar­ka­land er ekki lýð­ræð­is­ríki,“ segir Kristinn Hrafns­son.