Selur gullfallegt heimili í Garðabæ

Til sölu er afar fal­leg og vel skipu­lögð þriggja her­bergja íbúð við Mar­íu­götu 38 í Urriða­holti í Garðabæ.

Íbúðin er stað­sett á þriðju hæð í vönd­uðu fjöl­býl­is­húsi með lyftu og er skráð 90,1 fer­metri að stærð. Ásett verð eign­ar­innar er 82,5 millj­ónir króna.

Íbúðin þykir ein­stak­lega rúm­góð og björt með góðu skipu­lagi. Frá stofu er útgengt út á rúm­góðar suð­ur­svalir þar sem nýtur fal­legs útsýnis. Innan íbúðar er sér­stakt þvotta­her­bergi sem eykur þæg­indi í dag­legu lífi, auk þess sem 5,7 fer­metra sér­geymsla fylgir eign­inni á jarð­hæð húss­ins.

Húsið var byggt árið 2021 af ÞG Verk og er álk­lætt og því afar við­hald­s­létt. Frá­gangur bæði innan- og utandyra er til fyr­ir­myndar, með fal­legum inn­rétt­ingum frá GKS og snyrti­legri sam­eign. Fyrir framan húsið eru hellu­lagðar stéttar og mal­bikuð bíla­stæði, auk þess sem mynda­véla­dyra­sími eykur öryggi íbúa. Í kjall­ara er einnig hjóla- og vagna­geymsla.

Eignin er stað­sett á eft­ir­sóttum stað í Urriða­holti þar sem stutt er í leik­skóla, grunn­skóla og fjöl­breytt úti­vist­ar­svæði. Í næsta nágrenni eru vin­sælar göngu- og hjóla­leiðir við Heiðmörk og Urriða­vatn sem hafa notið mik­illa vin­sælda meðal íbúa svæð­is­ins.