Borgarráð ósátt við framkvæmd utankjörfundaratkvæðagreiðslu

Borg­ar­ráð hefur gert alvar­legar athuga­semdir við ákvörðun sýslu­manns­ins á höf­uð­borg­ar­svæð­inu um að aðeins verði einn staður í boði fyrir atkvæða­greiðslu utan kjör­fundar í kom­andi sveit­ar­stjórn­ar­kosn­ingum en greint er frá þessu í til­kynn­ingu frá borg­inni.

Telur ráðið að aðgengi kjós­enda skerð­ist veru­lega með þessu fyr­ir­komu­lagi, sér­stak­lega á tímum þegar kjör­sókn hefur farið minnk­andi.

Á fundi borg­ar­ráðs fimmtu­dag­inn 30. apríl var tekið fyrir bréf frá skrif­stofu borg­ar­stjórnar vegna til­kynn­ingar sýslu­manns um fram­kvæmd atkvæða­greiðslu utan kjör­fundar fyrir sveit­ar­stjórn­ar­kosn­ing­arnar sem fara fram 16. maí næst­kom­andi. Þar kemur fram að utan­kjör­fund­ar­at­kvæða­greiðsla, sem hófst 17. apríl, fari ein­göngu fram í hús­næði Sýslu­manns­ins á höf­uð­borg­ar­svæð­inu að Hlíða­smára 1 í Kópavogi.

„Við síð­ustu sveit­ar­stjórn­ar­kosn­ingar hefur verið lögð áhersla á að kjós­endur í Reykja­vík geti greitt atkvæði utan kjör­fundar í sveit­ar­fé­lag­inu sjálfu en nú verður það ekki í boði,“ segir í bréfi skrif­stofu borg­ar­stjórnar.

„Bætt aðgengi kjós­enda hvetur til auk­innar kosn­inga­þátt­töku en minnt er á að kjör­sókn í sveit­ar­stjórn­ar­kosn­ingum hefur dreg­ist saman síð­ustu ár,“ segir í bókun borg­ar­ráðs og áheyrn­ar­full­trúa. „Borg­ar­ráð hvetur sýslu­mann til að end­ur­skoða þessa ákvörðun með hags­muni kjós­enda að leið­ar­ljósi og tryggja fleiri kjör­staði í Reykja­vík og öðrum sveit­ar­fé­lögum á höf­uð­borg­ar­svæð­inu nú á loka­sprett­inum fyrir kjör­dag.“