Eitt glæsilegasta hús Reykjavíkur aftur á sölu

Eitt glæsi­leg­asta og virðu­leg­asta ein­býl­is­hús Reykja­víkur, við Öldugötu 16 í 101 Reykja­vík, hefur verið sett á sölu.

Húsið var til sölu í októ­ber í fyrra en ekki tókst að selja það.

Um er að ræða um 400 fer­metra eign á stórri horn­lóð við gatna­mót Öldugötu og Ægisgötu í hjarta gamla Vest­ur­bæj­ar­ins.

Húsið vekur sér­staka athygli fyrir ein­stakt útlit sitt en það er steinað að utan með hrafn­tinnu og silf­ur­bergi sem gefur eign­inni eft­ir­tekt­ar­vert og fágað yfir­bragð. Samkvæmt upp­lýs­ingum um eign­ina er sér­í­búð á jarð­hæð húss­ins.

Stað­setn­ing eign­ar­innar telst afar eft­ir­sótt þar sem bæði mið­borg Reykja­víkur og Grandinn eru í örstuttri göngu­fjar­lægð. Þá er fjöl­breytt þjón­usta í næsta nágrenni, þar á meðal versl­anir, kaffi­hús, veit­inga­staðir og skólar á öllum stigum, auk öfl­ugs menn­ingar- og mann­lífs.

Óskað er eftir til­boðum í eign­ina.