Samband milli áfalla í æsku og kvilla á meðgöngu

Áföll í æsku (ACEs), svo sem ofbeldi, van­ræksla og mis­notkun, að alast upp í nei­kvæðu heim­il­is­um­hverfi sem og að verða vitni að ofbeldi gegn nánum ætt­ingjum eða innan sam­fé­lags­ins, getur haft skað­leg áhrif á þroska og heilsu barns. Að alast upp í slíku umhverfi getur valdið van­líðan sem hefur seinna meir áhrif bæði á lík­am­lega og and­lega heilsu ein­stak­lings­ins.

Þetta var við­fangs­efnið í grein í tíma­rit­inu Midwifery sem rann­sókn­ar­hópur Emmu Marie Swift, dós­ents í ljós­móð­ur­fræði, og Helgu Zoega, pró­fess­ors í lýð­heilsu­vís­indum, birti fyrr á árinu.

Birtar hafa verið nokkrar vís­inda­greinar út frá þess­ari rann­sókn, þar sem nýtt eru gögn úr hinni viða­miklu rann­sókn Áfalla­saga kvenna. Rann­sóknin sýnir er fram á þetta sam­band milli áfalla í æsku og heilsu seinna meir á lífs­leið­inni. Erlendar rann­sóknir hafa einnig bent á sam­band áfalla í æsku og kvilla á með­göngu, svo sem með­göngu­syk­ur­sýki, háþrýst­ing, þyngd­ar­aukn­ingu á með­göngu og svo einnig kvíða og þyng­lyndis á með­göngu.

Sérstaklega áberandi hjá konum sem hafa upplifað fjögur eða fleiri áföll

Helstu rann­sókn­ar­nið­ur­stöður eru þær að konur sem hafa upp­lifað áföll í æsku eru lík­legri til að líta svo á að fæð­ingin þeirra hafi verið nei­kvæð upp­lifun. Þessi til­hneig­ing er sér­stak­lega áber­andi hjá konum sem hafa upp­lifað fjögur eða fleiri áföll, en þær voru tvisvar sinnum lík­legri til að líta á fæð­ing­una sína sem nei­kvæða reynslu en konur sem ekki höfðu upp­lifað nein áföll í æsku.

Þessi tengsl áfalla í æsku og fæð­ing­ar­upp­lif­unar hafa ekki verið rann­sökuð áður, svo vitað sé, og rann­sóknin því mik­il­væg við­bót við þekk­ingu á því hvað geti haft áhrif á hvernig konur upp­lifa fæð­ing­una. Nið­ur­stöð­urnar gefa til­efni til frek­ari rann­sókna og umræðu um hvernig best sé að styðja við þennan hóp kvenna á með­göngu, í fæð­ingu og eftir fæð­ingu.

Rann­sóknin er hluti af verk­efn­inu Birth­SAGA sem hlaut verk­efna­styrk frá Rannís og að því hafa komið sam­starfs­að­ilar frá Miðstöð í lýð­heilsu­vís­indum (Lækna­deild) og náms­braut í ljós­móð­ur­fræði við Hjúkr­unar- og ljós­móð­ur­fræði­deild HÍ.

Rann­sóknin er sú fyrsta sem birt­ist úr Birth­SAGA-verk­efn­inu en fleiri rann­sóknir um upp­lifun af fæð­ingu eru í far­vatn­inu og gert ráð fyrir að þær birt­ist síðar á þessu ári.