Birti myndband af „fávita“ sem stofnaði fjölda manns í lífshættu í umferðinni

Litlu mun­aði í mjög illa færi á íslenskum vegi í mynd­bandi sem Ívar Örn Smárason birti í Facebook-hópnum Fávitar í umferð­inni.

Í mynd­band­inu sést mót­or­hjóla­kapp­inn Halldór Guð­munds­son fyrir framan bíl eig­in­konu sinnar. Þegar lengra í mynd­bandið er komið sést rauður pall­bíll aka á móti umferð að reyna að taka fram úr öðrum bílum og er rauði pall­bíll­inn með svartan pall­bíl á kerru í eft­ir­dragi. Á síð­ustu nær bíl­stjóri pall­bíls­ins að beygja út af til að forða árekstri og heldur för sinni áfram.

„Sig­ur­veg­ar­inn ì keppn­inni "fàvitar ì umferð­inni" er fund­inn kæra fólk... endi­lega reynum ekki að toppa hann og hugsum okkur þrisvar um àður en við làtum vaða.... Hèr er engin afsökun, ekki einu sinni smà,“ skrifar Ívar um atvikið.

Sjón er sögu rík­ari.

Við­brögðin hafa heldur betur verið sterk og flæða inn athuga­semdir við mynd­bandið.

„Mikið er ég ánægður að þessi mót­or­hjóla­maður er núna heima hjá hjá fólk­inu sínu heill heilsu og þessi asni út í skurði. Þetta hefði geta endað illa,“ er meðal ann­ars ritað undir mynd­bandið.

„Þetta er með því svaka­leg­asta sem ég hef séð. Þessi ein­stak­lingur ætti hrein­lega að vera sviptur öku­rétt­indum snar­lega,“ skrifar Andrés Guð­munds­son um málið.

„Já þetta verður seint toppað, að ætla að reyna að kom­ast fram úr í blind­beygju á heilli línu, upp í móti á far­ar­tæki sem vigtar á átt­unda tonn og hefur hvorki hest­öfl, bremsur né akst­urseig­in­leika. Þetta hefði verið hægt á mót­or­hjóli. Þurfum eig­in­lega að finna kauða svo hægt sé að senda honum bikar,“ skrifar Baldur Gíslason.

„Taka þetta mynd­band og kæra hann fyrir glæfra­lega til­raun til mann­dráps og sýna algjört gáleysi,“ segir Elva Meldal.

„Þetta er með því rosa­leg­asta sem ég hef séð á þess­ari síðu ! Þessi fær klár­lega tit­il­inn mesti fáviti árs­ins ! Þarf engin að reyna að toppa þetta !“ skrifar Jóel Krist­ins­son.