Markús Darri Arnoddsson lýsir hrottalegri árás sem hann varð fyrir af hendi nágranna síns. Markús, sem býr á Akureyri, var í rólegheitum heima hjá sér þegar hann ákvað að fá sér sígarettu úti á svölunum heima hjá sér. Hann er ekki búinn að vera lengi úti á svölunum sínum þegar nágranni hans fer að skipta sér af honum og kalla hann öllum illum nöfnum og þá sérstaklega tengdu því að Markús er trans karlmaður.
Byrjar að öskra og garga
„[Nágranni ur helvíti] Jæja í dag var reynt að drepa mig. Ég vissi að hann væru orðinn ruglaður af neyslu en ég vildi þó reykja mína sígarettu í friði HEIMA HJÁ MÉR. Sem betur fer datt mér í hug að hafa upptöku í gangi í símanum til öryggis. Video 1x - Hann byrjar að öskra og garga að drulla yfir mína "pusu" þar sem ég er trans karlmaður. Hann btw eins og þið, veit ekkert um hvaða kynfæri ég er með. Það kemur honum líka bara ekkert við. Hann byrjar að garga á mig vegna þess að ég dirfðist til að reykja á svölunum mínum. Þá færi ég myndavélina yfir á hann.“
Eftir nokkrar mínútur af miklum fúkyrðum frá nágranna Markúsar ákveður nágranninn að fara yfir á svalirnar hans.
„Á 3.mínútum breytist allt. Hann byrjar að ögra mér og kemur að mér semsagt yfir á MÍNAR svalir. Takið eftir að fyrir það sagði ég ekki orð við hann. Ég frýs. Allt í einu er hann kominn alveg upp að mér og talar um hvað ég er lítill. Þá bið ég hann 2x að láta mig vera og fara heim til sín. Ég sný mér svo að svalarhurðinni minni og ætla inn en þá grípur hann um hálsinn á mér og lyftir mér í loftið, sveiflar mér þar um og utan í stólana sem eru á svölunum hjá mér. Ég man ekki mikið..“
Verð ég myrtur?
Markús biður móður sína að sækja hníf en hún frýs og þá kýlir nágranninn Markús.
„Video 2x - ég rétt slapp úr hálstakinu og reyni að kalla á hjálp. Hann hleypir mér ekki inn. Ég kalla í móður mína sem var inni hjá mér að koma með hníf út til að reyna koma honum frá mér en skiljanlega þá frýs hún líka. Þar tek ég hann upp banna mér að fara inn. Góður nágranni minn skerst í leikinn og reynir að fá Bigga til að stoppa. Það gengur ekki, þarna er ég kominn í "blackout" og man ekki mikið. Hann greinilega kýlir mig en ég kemst framhjá og dríf mig inn heima. Þegar heim var komist hringi ég tafarlaust á lögreglu sem loksins kemur og handtekur fíflið. Ég fer uppá SAK að fá áverkavottorð og mun ég kæra hann fyrir allt sem ég get.“
Af hverju þurfti þetta allt saman að gerast til þess að eitthvað væri gert og verður einhver eftirfylgni, spyr Markús?
„Eftir sit ég nú heima hjá mér að íhuga AFHVERJU það þurfi þetta til svo að eitthvað sé gert???. Afhverju þurfti þetta að fá að ganga svona langt? Ekki efast ég um það einnig að honum verði skutlað heim í hádeginu á morgun, ánægður og búinn að sofa úr sér í bili, hvað gerist næst? Verð ég myrtur? Verður einhver eftirfylgni? Ég hugsa ekki. Takk fyrir að lesa þetta, eigðu betri dag en ég átti elsku manneskja hinumegin við skjáinn.“
Athugasemdir