Páll sakar Helga um smekkleysi eftir orðaskipti um Karl Th.

Sagn­fræð­ing­ur­inn og vara­borg­ar­full­trú­inn Stefán Pálsson hefur lagt til að RÚV geri útvarps­þætt­ina Orð skulu standa, sem Karl Th. Birg­is­son hafði umsjón með, aðgengi­lega á net­inu til minn­ingar um Karl en greint var frá and­láti hans í fjöl­miðlum í gær.

Stefán setti hug­mynd­ina fram á Facebook og sagði þætt­ina geta átt vel við nú þegar margir leiti sér að hlað­vörpum til hlust­unar.

Brynjólfur Þór Guð­munds­son, blaða­maður RÚV, sagði í umræðum við færsl­una að honum skild­ist að málið væri til skoð­unar og gæti orðið að veru­leika innan skamms. Stór hluti efnis þátt­anna væri tíma­laus, þótt óljóst væri hvernig rétt­inda­málum vegna þeirra væri háttað.

Stefán sagði jafn­framt að hann teldi vanta skýr­ari stefnu hjá RÚV um miðlun eldra efnis. Velti hann því meðal ann­ars upp hvort þróa mætti vef RÚV í átt að Tíma­rita­vefnum og gera þar gam­alt efni aðgengi­legt í stórum stíl, eftir því sem rétt­indi leyfðu.

Brynjólfur sagði „stóra draum­inn“ vera að koma sem mestu efni á vef­inn. Um væri að ræða stórt og kostn­að­ar­samt verk­efni en mikið af eldra efni hefði á síð­ustu árum verið fært yfir á staf­rænt form.

Umræðan varð síðar hvass­ari þegar Páll Bald­vins­son, fyrr­ver­andi rit­stjóri og blaða­maður sem meðal ann­ars hefur starfað fyrir RÚV, vakti athygli á höf­und­ar­rétt­ar­málum. Hann velti því upp hvort RÚV hefði á sínum tíma keypt allan rétt að þátt­unum eða hvort samn­ingar hefðu aðeins gert ráð fyrir til­tek­inni notkun í tak­mark­aðan tíma.

Helgi Seljan, frétta­maður RÚV, svar­aði Páli með kald­hæðnum hætti og sagði til­efnið „aldeilis flott til að tuða yfir end­ur­flutn­ingi á efni og aðgengi­leika þess, sem ger­ist auð­vitað gratís“.

Páll brást við og sagði orðið „flott“ vart eiga við. „Það hefði verið ‚flott‘ að sýna þetta meðan mað­ur­inn var á lífi,“ skrif­aði hann og lagði áherslu á að end­ur­flutn­ingur efnis væri háður rétt­indum.

Helgi skýrði þá að um kald­hæðni hefði verið að ræða og sagð­ist fremur hafa verið að „hnýta í þennan status“. Hann benti jafn­framt á að ekki væri langt síðan þættir Karls um Frændur okkar í Persíu hefðu verið end­ur­fluttir og gerðir aðgengi­legir.

„Það verður auk þess og er þegar búið að leggja grunn að því að birta meira af efn­inu hans,“ skrif­aði Helgi.

Páll svar­aði því að lokum með beittum orðum og sagði: „Svona af því að mað­ur­inn var rétt orð­inn kaldur. Smekkvís strákur Helgi.“