Níu ákærðir í sögulegu Straumsvíkurmáli

Níu karl­menn hafa verið ákærðir í Straums­vík­ur­mál­inu svo­kall­aða, sex erlendir rík­is­borg­arar og þrír Íslend­ingar. Málið snýst um inn­flutn­ing á 106,2 kílóum af kóka­íni sem falin voru í sjó­kistu flutn­inga­skips­ins Koznitza en um er að ræða stærsta kóka­ínsmygl í sögu Íslands.

RÚV greindi frá.

Vasile Costache, Arthur De Araujo Faria, Corneliu Radulescu, Eziquiel De Lima Pereira og Wagner Alex­andre De Silva eru ákærðir fyrir skipu­lagða brota­starf­semi og stór­fellt fíkni­efna­laga­brot. Samkvæmt ákæru voru efnin ætluð til sölu­dreif­ingar hér á landi en lög­regla fjar­lægði þau úr skip­inu og kom gervi­efnum fyrir í stað­inn.

Menn­irnir eru sagðir hafa notað köf­un­ar­búnað til að sækja gervi­efnin úr skip­inu í Straums­vík aðfara­nótt 24. júní. Hluti þeirra var síðar fluttur til Kópavogs.

Íslend­ing­arnir Lúther Ólason og Lárus Freyr Ein­ars­son eru ákærðir fyrir að hafa tekið við um 30 kílóum af gervi­efn­unum. Atli Freyr Fjöln­is­son er sak­aður um að hafa gefið þeim fyr­ir­mæli um mót­tök­una í gegnum sam­skipta­for­ritið Signal.

Sjötti erlendi mað­ur­inn er einnig ákærður fyrir hlut­deild í brot­inu með því að hafa flutt köf­un­ar­bún­ing frá Ítalíu.

Ákæru­valdið krefst jafn­framt upp­töku fíkni­efna, skot­vopns, skot­færa, far­síma, bif­reiðar og köf­un­ar­bún­aðar. Farið hefur verið fram á áfram­hald­andi gæslu­varð­hald yfir mönn­unum.