Fimm fatamistök sem geta gert flugferðina verri

Það sem virð­ist vera skyn­sam­legt klæða­val fyrir flug­ferð getur fljótt reynst óþægi­legt þegar komið er út á flug­völl. Þungir skór, fyr­ir­ferð­ar­miklar peysur og þröngar galla­buxur geta til dæmis gert langan ferða­dag mun erf­ið­ari en hann þarf að vera.

Við val á ferða­fatn­aði er ekki aðeins mik­il­vægt að hugsa um tím­ann um borð í flug­vél­inni. Ferða­langar þurfa gjarnan að ganga langar vega­lengdir um flug­stöðvar, standa í röðum og bera far­angur. Hér eru fimm algeng mis­tök sem vert er að forð­ast.

1. Of þykk og fyrirferðarmikil föt

Þykkar peysur og stórir jakkar geta verið nota­legir þegar kalt er í flug­vél­inni en verða fljótt að aukaf­ar­angri þegar hitnar. Létt föt sem auð­velt er að klæða sig úr og í eru hent­ugri. Þunnar peysur, bolir og léttir jakkar gera ferða­löngum kleift að laga sig að hita­stigi hverju sinni.

2. Þungir skór eða stígvél

Það getur virst snið­ugt að ferð­ast í stærstu skónum til að spara pláss í ferða­tösk­unni. Þungir skór geta hins vegar orðið óþægi­legir við langa göngu um flug­stöð­ina og tafið fyrir þegar þarf að fara úr þeim í örygg­is­leit. Léttir skór sem auð­velt er að fara úr og í geta því verið betri kostur.

3. Föt sem henta aðeins til að sitja í

Þægileg flug­föt þurfa ekki aðeins að vera góð þegar setið er um borð. Ferða­lagið getur falið í sér tölu­verða hreyf­ingu, langar göngu­leiðir og jafn­vel hlaup milli hliða. Létt og teygj­an­leg föt sem anda vel henta því oft betur en þungur fatn­aður.

4. Of margar töskur

Hand­taska, hlið­ar­taska, vatns­flaska, ferða­púði og kaffi­bolli geta fljótt breytt ferða­lag­inu í hálf­gert jafn­væg­is­at­riði. Ein rúm­góð og vel skipu­lögð taska getur verið mun hent­ugri. Þar má geyma tölvu, spjald­tölvu, heyrn­ar­tól, hleðslu­tæki og annað sem þarf að hafa við hönd­ina.

5. Þröngar gallabuxur

Galla­buxur geta gefið ferða­fatn­að­inum snyrti­legra yfir­bragð en þær eru ekki alltaf besti kost­ur­inn þegar ferða­dag­ur­inn stendur yfir í margar klukku­stundir. Þröngt mitti og stíft efni geta orðið óþægi­leg eftir langa setu. Léttar og teygj­an­legar buxur geta veitt sam­bæri­lega snyrti­legt útlit en um leið meira hreyfifrelsi og þæg­indi.

Þegar öllu er á botn­inn hvolft snýst gott klæða­val fyrir flug­ferð ekki ein­göngu um þæg­indi í flug­vél­inni heldur allan ferða­dag­inn. Létt lög, þægi­legir skór, rúm­góð taska og fatn­aður sem veitir gott hreyfifrelsi geta gert ferða­lagið tölu­vert þægi­legra.