Ragnar Þór boðar frekari breytingar á fæðingarorlofi

Ragnar Þór Ing­ólfs­son félags- og hús­næð­is­mála­ráð­herra segir enga stefnu­breyt­ingu hafa orðið í ráðu­neyt­inu varð­andi aukið svig­rúm for­eldra til að skipta fæð­ing­ar­or­lofi sín á milli. Málið kom til umræðu á Alþingi í dag þegar Snorri Másson, þing­maður Mið­flokks­ins, spurði ráð­herra um fyr­ir­komu­lag fæð­ing­ar­or­lofs.

Snorri gagn­rýndi núver­andi kerfi, þar sem for­eldrar eiga almennt sex mán­aða rétt hvort og aðeins hluti tím­ans er fram­selj­an­legur. Hann sagði kerfið koma illa niður á fjöl­skyldum sem af ýmsum ástæðum gætu ekki nýtt orlofið sam­kvæmt þeirri skipt­ingu.

„Við höfum lengi talað fyrir því að afnema þessa skyldu­bundnu skipt­ingu af hálfu stjórn­valda. Þetta er gíf­ur­legt rétt­læt­is­mál,“ sagði Snorri.

Ragnar Þór sagði stjórn­völd áfram vilja skoða auk­inn sveigj­an­leika og að fleiri þættir fæð­ing­ar­or­lofs­kerf­is­ins væru einnig til skoð­unar.

„Það er engin stefnu­breyt­ing í ráðu­neyt­inu varð­andi það að auka mögu­leika á skipt­ingu fæð­ing­ar­or­lofs,“ sagði Ragnar Þór benti jafn­framt á að miklar breyt­ingar hefðu verið gerðar á fæð­ing­ar­or­lofs­kerf­inu á und­an­förnum árum, meðal ann­ars með leng­ingu fæð­ing­ar­or­lofs og sorg­ar­leyfis, greiðslum til for­eldra vegna veik­inda á með­göngu og hækkun hámarks­greiðslna. Sagði hann breyt­ing­arnar hafa orðið til þess að feður tækju fæð­ing­ar­or­lof í mun rík­ari mæli en áður og að því hefði fylgt auk­inn kostn­aður.

Snorri gagnrýnir kostnaðarrökin

Snorri gagn­rýndi að kostn­aður væri nefndur sem hindrun og sagði dap­ur­legt ef litið væri á aukna nýt­ingu fæð­ing­ar­or­lofs með þeim hætti.

„Það er heldur nöt­ur­leg sýn á fæð­ing­ar­or­lofs­kerfið að líta svo á að það sé hvim­leiður kostn­aður sem fylgir því í raun og veru að gera þessar breyt­ingar þannig að fjöl­skyldur væru þá í auknum mæli að nýta alla 12 mán­uð­ina sem er réttur þeirra,“ sagði Snorri.

Ragnar Þór ítrek­aði að þær breyt­ingar sem þegar hefðu verið gerðar væru jákvæðar og hefðu meðal ann­ars orðið til þess að feður tækju fæð­ing­ar­or­lof í rík­ari mæli en áður. Frekari breyt­ingar köll­uðu hins vegar á fjár­heim­ildir.

„Það er að virka betur en lagt var upp með,“ sagði Ragnar Þór um breyt­ing­arnar og bætti við að auknum útgjöldum vegna frek­ari breyt­inga þyrftu að fylgja við­eig­andi heim­ildir Alþingis.