„Hún Marta María er kannski bara ekki alveg á réttri hillu“

Hús­gagna­versl­unin JYSK á Íslandi hefur svarað ummælum Mörtu Maríu Winkel sem hún lét falla í Dagmálum á mbl.is með færslu á Facebook þar sem fyr­ir­tækið gerir létt grín að ummæl­unum og bendir á mikið úrval af hillum í versl­unum sínum.

Í umfjöllun Smartlands um við­talið birt­ist fyr­ir­sögnin „Það er ekki hægt að hafa ein­hverja JYSK hillu á veggnum“ og ákvað fyr­ir­tækið að svara með því að vísa til þess að Marta María væri mögu­lega ekki „á réttri hillu“.

„Hún Marta María er kannski bara ekki alveg á réttri hillu. Við erum nefni­lega með mikið úrval af hillum sem eru fal­legar beint úr pakk­anum og það þarf ekk­ert að vera að ves­en­ast við að lakka til að gera þær álit­legar,“ segir í færslu JYSK.

Fyr­ir­tækið lætur ekki þar við sitja heldur býður Mörtu Maríu að koma í versl­un­ina og fá aðstoð við að velja hillu.

„Kíktu bara til okkar Marta, við hjálpum þér að finna þína réttu hillu í líf­inu! Alltaf vel­komin Smartland Mörtu Maríu, hlökkum til að sjá þig!“ segir í færsl­unni.