Ísland, þvert á flokka, sem hefur boðað til mótmæla á Austurvelli á laugardaginn hefur gefið út ræðumannalista mótmælanna.

Athygli vekur að einn ræðumanna er einfaldlega skráður sem „Áhyggjufull móðir“ án þess að það sé útskýrt nánar.

Hópurinn, sem staðið hefur fyrir mótmælunum, hefur verið sakaður um kynþáttafordóma en hann hefur hafnað slíku.

„Við erum engir rasistar. Við erum bara að hugsa um framtíð unga fólksins og okkar,“ sagði Sigfús við Vísi í júní.

Baldur Borgþórsson er þekktastur fyrir að hafa verið um tíð varaborgarfulltrúi fyrir Miðflokkinn en sagði úr flokknum vegna framkomu Vigdísar Hauksdóttur, þáverandi borgfulltrúa flokksins.

„Ekki er þörf á að tíunda ástæður ákvörðunar minnar að öðru leyti en því að ég hef í störfum mínum í borgarstjórn ítrekað orðið vitni að starfsháttum og framkomu undir merkjum Miðflokksins sem ég get með engu móti sætt mig við,“ sagði Baldur við Vísium úrsögn sína úr flokknum.

Sveinn Hjörtur Guðfinnsson án það sameiginlegt með Baldri að hann sagði sig einnig úr Miðflokknum en kom að stofnun flokksins og var þar áður formaður Framsóknarfélagsins í Reykjavík. Hann var kosningastjóri Lýðræðisflokksins í Alþingiskosningunum sem fóru fram síðasta haust.

Davíð Bergmann Davíðsson hefur verið duglegur að tjá um stöðu ungmenna á Íslandi á undanförnum árum en að eigin sögn hefur hann unnið með ungmennum frá árinu 1994 og þar af 16 ár á Stuðlum.

Sigfús Aðalsteinsson hefur starfað lengi sem fasteignasali en var þar áður forstöðumaður á leikskóla, þar sem hann dró að sér fé. Þá var hann einnig framkvæmdastjóri Rizzo um tíma en staðurinn var einn vinsælasti pitsastaður landsins.