Söngkonan og leikkonan Ariana Grande og leikarinn Ethan Slater hafa slitið sambandi sínu eftir um þriggja ára ára samband, samkvæmt heimildum TMZ.

Samkvæmt heimildum miðilsins áttu skilnaðarslitin sér stað fyrir nokkrum mánuðum síðan. Að sögn heimildarmanna var ákvörðunin tekin í sátt og samlyndi eftir vandlega íhugun og eru þau sögð áfram góðir vinir sem styðja hvort annað.

Heimildir TMZ herma jafnframt að ný plata Grande hafi ekki verið innblásin af sambandsslitunum og að lög plötunnar fjalli ekki um samband hennar við Slater.

Grande og Slater kynntust við tökur á kvikmyndinni Wicked. Samband þeirra varð opinbert sumarið 2023, skömmu eftir að Grande skildi við fyrrverandi eiginmann sinn, Dalton Gomez. Á sama tíma hafði Slater slitið sambandi við eiginkonu sína, Lilly Jay.

Þá kom fram á sínum tíma að þau hefðu ekki hafið ástarsamband fyrr en bæði hjónaböndunum var lokið. Parið sást reglulega saman opinberlega, meðal annars í ferðum til Disney-skemmtigarðanna og á veitingastöðum í New York.

Í lok árs 2023 var greint frá því að sambandið hefði orðið alvarlegra og að þau hefðu varið mestum tíma sínum saman í New York-borg.

Athygli vakti nýverið að Slater var ekki viðstaddur opnunartónleika Grande á Eternal Sunshine-tónleikaferðinni sem hófst um síðustu helgi í Oakland í Kaliforníu.

Fulltrúar Grande og Slater hafa enn ekki tjáð sig opinberlega um málið.