Leikarinn Tom Selleck, sem flestir þekkja úr þáttunum Magnum, P.I. og Blue Bloods, var vart þekkjanlegur þegar hann sást í erindum í Los Angeles 14. júlí síðastliðnum. Í stað hins sígilda yfirvaraskeggs var hinn 80 ára gamli Selleck með mikið grátt skegg sem passaði við hár hans. Eonline.com fjallaði um þetta í dag.

Hann klæddist þægilegum svörtum stuttermabol, svörtum stuttbuxum og var í svörtum strigaskóm, þegar hann fór fyrst í ræktina og kíkti síðan á McDonald’s í hádegismat.

Selleck hefur haldið sig nokkuð til hlés frá því að Blue Bloods var lagt af í fyrra, en hann hefur viðurkennt að sú ákvörðun hafi ollið honum vonbrigðum.

„Það sem pirraði mig var að þátturinn var alltaf tekið sem sjálfsögðum hlut,“ sagði hann í viðtali við TV Insider í október, „af því hann skilaði árangri frá upphafi.“

Um þessar mundir virðist Selleck leggja áherslu á sjálfan sig en hann hefur alltaf sætt sig við útlit sitt á öllum aldri. Hann hefur jafnvel vísað á bug sögusögnum um að hann liti á sér hárið.

„Ég er orðinn leiður á fólki sem heldur að ég liti á mér hárið!“ sagði hann í viðtali við GQ árið 2014. „Þetta er bara svona. Ég er með grá hár þarna inni. Á mínum aldri er það eiginlega gæfa að grána, því það mýkir aðeins allar hinar hræðilegu breytingarnar sem aldurinn færir manni.“

„Ég get ekki litið út eins og fyrir 20 árum,“ bætti hann við, „og ég vil ekki að einhver skurðlæknir reyni að láta mig líta þannig út.“

Þrátt fyrir að hafa verið þekktur fyrir útlit sitt í áratugi viðurkennir Selleck að tímarnir hafa breyst síðan hann var sjónvarpsstjarna á níunda áratugnum.

„Ef ég skrifa einhvern tímann ævisögu, þá gæti hún heitið: Sjálfsvorkunn við hótelbarinn,“ grínaðist hann. „Þegar maður er mikið á ferðinni, eins og leikarar eru, er auðvelt að detta í smá sjálfsvorkunn. En ég leit allavega ágætlega út þegar ég lék í Magnum, P.I.“