Karlmaður hefur verið dæmdur í 16 mánaða fangelsi fyrir að hafa barið kött til bana á ferðamannasvæði í Puerto Rico í sveitarfélaginu Mogán á suðvesturhluta Gran Canaria.

Atvikið átti sér stað 30. ágúst árið 2025 og var maðurinn fundinn sekur um dýraníð sem leiddi til dauða kattarins.

Samkvæmt niðurstöðu dómsins var maðurinn á ferð seinni part dagsins þegar hann rakst á köttinn, sem hét Milú. Hann réðst þá að dýrinu og sló það ítrekað í höfuðið með lyklakippu.

Kötturinn drapst á vettvangi af völdum mikillar blæðingar sem rekja mátti til árásarinnar. Lögreglumenn handtóku manninn skömmu síðar..

Auk fangelsisdómsins var manninum bannað í tvö ár og átta mánuði að eiga dýr eða starfa við störf, atvinnurekstur eða aðra starfsemi sem tengist dýrum.

Þá var honum gert að greiða 77 evrur í skaðabætur til húsfélagsins á svæðinu vegna kostnaðar við krufningu kattarins.