Hinn 27. mars síðastliðinn auglýsti ráðuneytið laust til umsóknar embætti dómara við Landsrétt, með skipunartíma frá 5. október 2026. Umsóknarfrestur um embættið rann út 13. apríl 2026.
Hinn 1. apríl síðastliðinn auglýsti ráðuneytið jafnframt annað embætti dómara, með skipunartíma frá 1. september 2026. Umsóknarfrestur um það embætti rann út 15. apríl 2026.
Umsækjendur um bæði embættin eru:
Berglind Svavarsdóttir lögmaður,
Björn L. Bergsson héraðsdómari,
Eiríkur Elís Þorláksson settur dómari við Landsrétt,
Halldóra Þorsteinsdóttir héraðsdómari,
Hildur Briem héraðsdómari,
Hulda Árnadóttir héraðsdómari,
Ragnheiður Snorradóttir héraðsdómari.
Umsækjandi einungis um það embætti sem auglýst var 1. apríl 2026:
Þorbjörg I. Jónsdóttir lögmaður.
Umsóknir verða afhentar dómnefnd um hæfni umsækjenda um embætti dómara til meðferðar á næstu dögum.
