Flugvél brotlenti við Amarilla-golfvöllinn á Suður-Tenerife um klukkan 17:15 fimmtudaginn 4. júní eftir tilraun til nauðlendingar.
Óhapp stuttu eftir flugtak
Slysið varð skömmu eftir að vélin tók á loft frá flugvelli staðsettum á suðurhluta Tenerife. Samkvæmt heimildum heimamanna flaug vélin niður nálægt aðalveginum í Amarilla Golf íbúðahverfinu. Götunni var lokað tímabundið í kjölfarið og vegfarendur þurftu að flýja í hasti.
Jasmine Knight breskur ferðamaður var á vettvangi ásamt maka sínum og mági lýsa því að vélin hafi stefnt beint á þau þar sem þau gengu um götuna. „Við þurftum að hlaupa undan vélinni,“ sagði Knight í samtali við Canarian Weekly.
Vélin hafnaði á ljósastaur og nærliggjandi trjám sem stöðvuðu för hennar og var flugmönnunum bjargað úr flakinu. Maki og mágur Knight aðstoðuðu flugmennina tvo við að komast út úr flakinu þar til lögregla, slökkvilið og sjúkrabílar komu á vettvang stuttu síðar. Knight og fjölskylda hennar sluppu ómeidd en upplifðu mikið áfall. Enginn slasaðist alvarlega og staðfest hefur verið að aðeins tveir einstaklingar voru um borð.
