Einn frægasti rappari Þýskalands, Kontra K, er væntanlegur austur á Fljótsdalshérað á allra næstu dögum. Ástæðan er sú að hann ætlar sér að taka upp myndband við nýtt lag í nágrenni Stuðlagils og hugsanlega fleiri staði. Austurfrétt segir frá málinu.
Árið 2010 gaf Kontra K út sína fyrstu plötu, Dobermann en hefur hann nú gefið út 12 plötur en átta síðustu plöturnar hafa allar farið á topp þýska listans. Aukreitis hefur hann átt bæði lög og plötur í efstu sætum vinsældarlista í Sviss og í Austurríki.
Nýjasta plata hans kom út árið 2023 og heitir Die Hoffnung klaut mir Niemand (Enginn stelur af mér voninni). Sat hún í þrjár vikur í topp 10 og var alls í 59 vikur á topp 100 listanum í Þýskalandi. Þá hafa tvær smáskífur af plötunni komist í efsta sæti þýska listans. Önnur þeirra, lagið Summertime, gerði hann með bandarísku stórstjörnunni Lönu del Rey en lagið var alls á þýska listanum í 42 vikur.
Kontra K hefur áður tekið upp myndband hér á landi en hann hefur bæði tekið upp myndbönd við Vestrahorn og við eldgosið á Reykjanesi en það myndband er með tæpar 9 milljónir spilana á YouTube.
