Myndband sem Samfylkingin setti á samfélagsmiðla í gær hefur vakið mikla athygli og hafa margir Íslendingar tjáð sig um það en rúmlega 20 þúsund manns hafa horft á það hingað til.
Í myndbandinu fer Kristrún Frostadóttir, forsætisráðherra Íslands og formaður Samfylkingarinnar, yfir helstu verk ríkisstjórnarinnar á nýloknu þingi. Nefnir hún meðal annars samgönguáætlun, innviðafélag, orkumál og lög til að ná, að hennar sögn, stjórn á útlendingamálum.
Ekki eru þó allir sáttir við myndband flokksins og er Stefán Einar Stefánsson, fjölmiðlamaður Morgunblaðsins og Sjálfstæðismaður.
„Hér getur að líta hreinræktaða umbúðapólitík frá stjórnmálamanni sem treystir sér ekki í alvöru rökræður. Stappar bara niður fótunum í þinginu og segir: ég ræð,“ skrifar Stefán á samfélagsmiðla sína.
Athygli vekur þó að Stefán Einar virðist ekki fyllilega gera sér grein fyrir því hvernig meirihlutasamstarf virkar á Alþingi ef marka má framhald orða hans. „Það gerir hún í skjóli þess að tveir af hverjum tíu töldu sér fært að kjósa flokk hennar í síðustu kosningum.“
Rétt er að taka fram að Samfylkingin og Kristrún starfa ekki í skjóli þess að tveir af tíu kusu flokkinn heldur myndaði flokkurinn meirihlutasamstarf á Alþingi með Viðreisn og Flokki fólksins. Sá meirihluti er með 36 þingmenn af 63 mögulegum.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Athugasemdir