Einstakt og glæsilegt einbýlishús við Sunnuveg 25 í Laugardal hefur verið sett á sölu. Um er að ræða hönnunarhús sem byggt var árið 1964 eftir teikningum Ólafs Tryggvasonar og hefur eignin verið endurnýjuð með það að markmiði að varðveita upprunalegan karakter hennar samhliða nútímalegum lausnum og vönduðu efnisvali.

Húsið er skráð 262 fermetrar að stærð samkvæmt fasteignaskrá en raunstærð þess er sögð vera um 383 fermetrar. Óskað er eftir tilboði í eignina.

Sunnuvegur hefur um árabil verið talinn meðal eftirsóttustu gatna Reykjavíkur. Þar nýtur sín skjólgott umhverfi, gróinn garður og nálægð við fjölbreytta útivistarmöguleika í Laugardalnum.

Eignin stendur á rólegum stað í hjarta Laugardalsins þar sem stutt er í skóla, leikskóla, þjónustu og vinsælar göngu- og útivistarleiðir. Húsið sameinar þannig eftirsótta staðsetningu, sterkan byggingarlistararf og nútímaleg þægindi í einni af áberandi eignum hverfisins.