Ríkisstjórn Frakklands hefur lýst yfir afgerandi stuðningi við áform íslenskra stjórnvalda um að halda þjóðaratkvæðagreiðslu þann 29. ágúst næstkomandi um endurnýjun aðildarviðræðna við Evrópusambandið. Lýst var yfir stuðningnum í opinberri heimsókn Jean-Noël Barrot, utanríkisráðherra Frakklands, til Reykjavíkur fyrr í þessari viku samkvæmt fréttum Euro News.
Á fundi sínum með Þorgerði Katrínu Gunnarsdóttur, utanríkisráðherra Íslands, lagði Barrot áherslu á að Evrópusambandið stæði opið fyrir viðræðum við Íslendinga. Ráðherrann hvatti þjóðina til að nýta tækifærið til að kanna hvaða samningskjör væru í boði í hinu breytta alþjóðlega öryggis- og efnahagsumhverfi.
„Atkvæðagreiðslan þann 29. ágúst skuldbindur Ísland ekki til inngöngu, heldur opnar hún á samræður. Ísland hefur absólút engu að tapa á því að eiga í samningaviðræðum við Evrópusambandið,“ sagði Barrot á blaðamannafundi. Hann bætti því við að lýðræðisleg ákvörðun íslensku þjóðarinnar yrði virt í hvívetna, sama hver niðurstaðan yrði.
Íslensk stjórnvöld hafa áður bent á að stríðsrekstur Rússa í Úkraínu og vaxandi spenna á norðurslóðum hafi breytt öryggishagsmunum Íslands verulega. Þar sem Ísland er herlaus þjóð, telja margir talsmenn aðildar að ESB-aðild að aðild gæti veitt landinu dýrmæta viðbótaröryggisvörn ásamt núverandi samstarfi innan Atlantshafsbandalagsins (NATO).
Frakkar fagna því að Íslendingar skuli leita lýðræðislegs umboðs þjóðarinnar áður en lengra er haldið, en Ísland á þegar í mjög nánu samstarfi við ESB í gegnum EES-samninginn og Schengen-samstarfið. Samkvæmt franska utanríkisráðuneytinu myndi hugsanleg aðild Íslands styrkja samstöðu lýðræðisríkja í Evrópu og dýpka samstarfið á norðurslóðum, sérstaklega á sviði umhverfismála og öryggismála.
