Fallegt og vel skipulagt 214,4 fermetra einbýlishús við Sævang 31 í Hafnarfirði hefur verið sett á sölu. Um er að ræða glæsilega eign á einstakri staðsetningu þar sem friðað hraun myndar fallegan bakgrunn og skapar mikla kyrrð og náttúrulegt umhverfi.

Íbúðarhluti hússins er 174,6 fermetrar og skiptist í þrjú svefnherbergi, forstofu, gestasalerni, baðherbergi, þvottahús, eldhús, stofu og bjartan garðskála. Húsið var byggt árið 1983 og hefur að geyma rúmgóð og fjölskylduvæn rými.

Við húsið er 39,8 fermetra tvöfaldur bílskúr auk hellulagðs bílaplans sem býður upp á gott aðgengi og þægindi fyrir fleiri en einn bíl.

Eignin stendur á stórri 1.024 fermetra lóð sem gefur möguleika á frekari stækkun hússins. Staðsetningin er afar eftirsótt þar sem náttúran fær að njóta sín samhliða nálægð við þjónustu og útivistarsvæði.

Ásett verð eignarinnar er 159,9 milljónir króna.