Hödd Vilhjálmsdóttir, almannatengill, lögfræðingur og fyrrverandi blaðamaður hefur verið að opna sig um erfið mál að undanförnu á Facebook. Í nýlegri færslu segir hún frá nauðgun sem hún hafi orðið fyrir.

Hödd er hispurslaus í færslunni en þar segir hún frá því að henni hafi verið byrlað og nauðgað í tvígang af lækni.

„Mér var nauðgað fyrir próf í skaðabótarétti. Drakk tvö rauðvínsglös að kvöldi. Vaknaði að morgni og pissaði. Konur vita þegar það kemur ekki alltaf bara piss. Bar það upp á viðkomandi. Hann byrlaði mér. Síðara skiptið vaknaði ég eftir einhver rauðvínsglös að morgni allsber. Gat ekki öskrað því ég vildi ekki gera mig að meira fífli en ég var (er). Beið eftir að fokking fíflið vaknaði. Tjóðruð við einhvern staur. Þar á milli bað hann mig um að fara með honum í Rekstrarvörur að kaupa bleyjur til kynferðislegra athafna. Eðlilega var ég ekki til.“

Segir Hödd að síðustu samskipti hennar við manninn hafi verið í kringum banaslys á Norðurlandi:

„Sirka síðustu samskipti okkar voru í gegnum bílslys á milli Akureyrar og Blönduóss. Þar lést maður. Og ég veit allt um það slys og því miður um allar bráðamótakomur margra. Ljórinn. Sorry vinir ... [nafn viðkomanda] Þú ert vond manneskja.“

Í samtali við Mannlíf segist Hödd hafa fengið mjög mikil viðbrögð við færslunni en vill halda trúnaði við þau viðbrögð. Aðspurð hvort umræddur læknir hafa haft samband við hana eftir að hún birti færsluna, neitar hún því og bætir við: „Hann á sér engar málsbætur.“