Bókaunnendur ættu að geta átt notalega stund í Árbænum á mánudag þegar rithöfundarnir Benný Sif Ísleifsdóttir og Jónína Leósdóttir mæta í bókakaffi á Borgarbókasafninu.

Bókakaffið fer fram mánudaginn 19. október klukkan 16.30 en þar ætla þær Benný og Jónína að lesa úr nýjustu verkum sínum og segja gestum frá bókunum og skrifunum.

Jónína Leósdóttir þarf vart að kynna fyrir íslenskum bókaormum. Hún hefur skrifað á þriðja tug bóka og þar á meðal vinsælu glæpasögurnar um Eddu. Húmorinn er sjaldnast langt undan í verkum Jónínu, jafnvel þegar glæpir eru til umfjöllunar. Að þessu sinni ætlar hún að segja frá bókinni Algjör Perla sem kom út fyrr á árinu.

Benný Sif Ísleifsdóttir mætir einnig með nýtt verk undir hendinni. Hún hefur skrifað bækur fyrir bæði börn og fullorðna og nýjasta skáldsaga hennar nefnist Vetrarþrestir.

Sagan gerist árið 1969 og segir frá fólki sem stendur á krossgötum í lífinu og leggur mikið undir í leit sinni að tengslum og tilfinningunni fyrir því að tilheyra.

Gestir bókakaffisins fá því tækifæri til að heyra tvo vinsæla íslenska höfunda segja frá nýjustu verkum sínum og hlýða á upplestur úr bókunum.