Bandaríska poppstjarnan Lady Gaga hefur eignast sitt fyrsta barn með unnusta sínum, athafnamanninum Michael Polansky. Bandarískir fjölmiðlar greindu frá tíðindunum á föstudag.
Lady Gaga, sem heitir réttu nafni Stefani Germanotta, er fertug. Hún og Polansky hófu samband árið 2020 og trúlofuðu sig fjórum árum síðar.
Heimildarmaður staðfesti fæðingu barnsins í samtali við bandarísku miðlana Page Six og People. Nánari upplýsingar hafa þó ekki verið birtar, meðal annars um kyn barnsins, nafn þess eða nákvæman fæðingardag.
Lady Gaga, sem aðdáendur hennar kalla gjarnan „Mother Monster“, hefur undanfarin ár rætt opinberlega um löngun sína til að eignast barn.
Söngkonan lauk nýjustu tónleikaferð sinni, Mayhem Ball, í apríl. Nýjasta plata hennar, Mayhem, hlaut jafnframt fjölda Grammy-tilnefninga og vann verðlaun sem besta poppsöngplata ársins.
