Fjölskylda hins tveggja ára Lucas hafði lítið sem ekkert sofið síðan hann týndist í rúmar 14 klukkustundir um helgina, en gleðin yfir því að hann fannst heill á húfi vegur þyngra en þreytan.

„Það er ótrúlegt hvað margir tóku þátt,“ segir fjölskyldan um leitina sem fór fram í og við Nyåker í Svíþjóð. Íbúar úr litla bænum og nágrenni hans tóku þátt í leitinni ásamt fólki frá stærri borgum eins og Umeå og Örnsköldsvik.

Öll fjölskyldan, þar á meðal foreldrar, afar, ömmur, frændur og frænkur, leituðu að drengnum í fyrradag og fram á nótt.

„Ég hef aldrei fundið jafn mikinn sársauka í hjartanu og í gær,“ sagði afi hans, Neculai Toader, í símtali við fjölmiðla í gær.

Lucas, sem verður þriggja ára eftir viku, fannst í skógi um klukkan eitt aðfaranótt mánudags.

„Þegar við heyrðum að þeir hefðu fundið hann, það var eins og að fljúga,“ sagði afi hans.

Um hádegið í gær var drengurinn enn á sjúkrahúsi í Umeå ásamt foreldrum sínum og afa.

„Ég er hér á sjúkrahúsinu með barnabarninu mínu. Ó, ó, ó, hann er fullur af orku. Hann er núna á barnadeildinni,“ sagði Neculai Toader.

Fjölskyldan vonast til að geta farið heim fljótlega og sameinast öðrum ættingjum sínum á ný.

„Við erum öll gjörsamlega örmagna.“