Maður lést eftir að hafa stokkið úr loftbelg yfir hollenska bænum Zundert á laugardagskvöld. Bæjarstjóri bæjarins hefur boðið íbúum sem urðu vitni að atvikinu sálrænan stuðning.
Samkvæmt Joyce Vermue, bæjarstjóra Zundert, féll maðurinn til jarðar í garði í bænum eftir að hafa stokkið úr loftbelg sem flaug yfir svæðið. Atvikið átti sér stað á laugardagskvöld nærri landamærum Belgíu.
„Maður stökk úr loftbelg yfir Zundert. Hann lenti í garði og lést,“ skrifaði Vermue á samfélagsmiðlum og lýsti atvikinu sem harmleik.
Hún sagði jafnframt að bæjarfélagið geri sér grein fyrir því að margir hafi orðið vitni að slysinu eða heyrt af því og því verði boðið upp á sálrænan stuðning í ráðhúsi bæjarins fyrir þá sem þess óska.
Zundert er best þekktur sem fæðingarstaður hollenska málarans Vincent van Gogh.
Ekki hefur verið greint frá frekari upplýsingum um manninn eða aðdraganda atviksins.
Í þessari grein er fjallað um sjálfsvíg
Fólki með sjálfsvígshugsanir er bent á upplýsingasíma heilsugæslunnar s.1700, netspjallið heilsuvera.is, Hjálparsíma Rauða krossins s.1717, á netspjallið 1717.is og á Píeta símann s.552-2218. Þau sem misst hafa ástvin í sjálfsvígi er bent á stuðning í Sorgarmiðstöð s. 551-4141, upplýsingasíma heilsugæslunnar s.1700, netspjallið heilsuvera.is og á Píeta símann s.552-2218.
