Össur Skarphéðinsson skýtur létt á Einar Þorsteinsson í nýrri Facebook-færslu en hrósar Þórdísi Lóu Þórhallsdótttur sem hann kallar „alvörustjórnmálamann“.
Líffræðingurinn og fyrrverandi ráðherra Samfylkingarinnar, Össur Skarphéðinn óskar nýjum borgarstjóra til hamingju með nýja starfið, í nýrri Facebook-færslu en notar einnig tækifærið til þess að skjóta nett á Einar Þorsteinsson, fyrrverandi borgarstjóra, sem Össur segir að „fýlan“ hafi lekið af „í lítratali“, þegar nýji meirihlutinn tók við völdum í borginni.
Segir Össur að enginn skilji af hverju Einar hafi slitið meirihlutasamstarfinu en hrósar svo Þórdísi Lóu, borgarfulltrúa Viðreisnar, fyrir hennar framferði við stjórnarskiptin.
Hér má sjá færsluna í heild sinni:
„Heiða Björg varð borgarstjóri upp úr þurru og settist í stólinn á afmælisdaginn sinn. Ég óska henni til hamingju með hvorutveggja! Ég óska henni alls hins besta í nýju hlutverki. – Ólík voru viðbrögð fráfarandi borgarstjóra og Þórdísar Lóu, oddvita Viðreisnar. Fýlan lak í lítratali af Einari, sem hafði ekkert nema bölbænir fram að færa til handa nýjum meirihluta, sem spratt úr engu vegna fádæma klúðurs Einars. Hann einfaldleg plottaði yfir sig, svo vísað sé í besta álitsgjafann, Eirík Bergmann, Kólumbíufara. Enn skilur ekki nokkur maður hvers vegna Einar gafst upp í miðri á. Á meðan sýndi Þórdís Lóa að hún er stórra sanda og sæva, hrósaði Heiðu Björgu fyrir mannkosti og óskaði nýjum meirihluta velfarnaðar. Svona tala alvörustjórnmálamenn…“
