Glæsilegt og rúmgott einbýlishús með tveimur íbúðum við Vallarbarð 12 í Hafnarfirði er komið á sölu. Eignin stendur innarlega í lokuðum botnlanga á eftirsóttum stað á Hvaleyrarholtinu og býður upp á fjölbreytta nýtingarmöguleika fyrir stórar fjölskyldur eða þá sem vilja hafa aukaíbúð til útleigu.

Húsið var byggt árið 1983 og er samtals 314 fermetrar að stærð, þar af er sérstæður bílskúr 48,8 fermetrar. Eignin skiptist á þrjár hæðir auk rúmgóðra sólskála sem auka birtu og tengingu við útisvæði hússins.

Jarðhæð hússins er skráð 66,5 fermetrar. Fyrsta hæðin er 91,6 fermetrar að stærð og þar að auki eru tveir sólskálar, annars vegar 28 fermetrar og hins vegar 21,3 fermetrar. Rishæðin er skráð 50 fermetrar og þar er einnig 8,2 fermetra sólskáli.

Bílskúrinn er rúmgóður og sérstæður með tveimur bílskúrshurðum ásamt rafmagni og köldu vatni. Fram kemur að lagfæra þurfi heitavatnslögn í bílskúrinn.

Lóðin er snyrtileg og gróin með fallegum beðum, grasflöt og trjágróðri. Hellulagt bílastæði er við húsið og umhverfið rólegt og fjölskylduvænt.

Ásett verð eignarinnar er 136 milljónir króna.