Sigurður Örn Ágústsson, fyrrverandi varaþingmaður Sjálfstæðisflokksins og fyrrverandi forstjóri Bláflugs, vermir neðsta sætið á Hátekjulista Heimildarinnar sem kom út á dögunum.

Sigurður Örn er í 3.600. sæti listans og er þar skráður með 36.359.720 krónur í heildartekjur en hann er þekkt nafn úr íslensku viðskiptalífi.

Hátekjulisti Heimildarinnar nær yfir tekjuhæsta eitt prósent Íslendinga. Listinn byggir ekki á handvöldu úrtaki heldur ítarlegri leit ritstjórnar að tekjuhæstu einstaklingum landsins.

Við röðun á listann er ekki aðeins horft til launatekna heldur einnig fjármagnstekna, þar á meðal arðgreiðslna til eigenda fyrirtækja. Launatekjur geta því í mörgum tilfellum verið aðeins hluti af heildartekjum þeirra sem rata á listann.