Leit stendur nú yfir að Sindra Frey Jenssyni, þrítugum Íslendingi, sem saknað er í Pattaya í Taílandi. Síðast spurðist til hans þann 23. maí samkvæmt færslu sem systir hans birti í Facebook-hópnum Pattaya News.

DV greindi fyrst frá málinu.

Í færslunni kemur fram að fjölskyldan óski eftir aðstoð almennings við að dreifa upplýsingum um hvarf hans. Sindri Freyr er sagður 184 sentímetrar á hæð, grannvaxinn, með blá augu, stuttklipptur og með fjölmörg húðflúr.

Fjölskyldan hvetur fólk í Pattaya og nágrenni til að deila upplýsingum áfram í staðbundnum hópum og samfélögum í von um að það geti hjálpað til við leitina.

Þeir sem kunna að hafa upplýsingar um ferðir eða dvalarstað Sindra Freys eru beðnir um að hafa samband við lögregluna í Taílandi.