Rósa Guðbjartsdóttir fyrrverandi bæjarstjóri Hafnarfjarðar og núverandi þingmaður kom Snorra Mássyni til varnar eftir hið fræga viðtal í Kastljósi í gærkvöld.
Snorri Másson þingmaður Miðflokksins hefur vakið mikla athygli á samfélagsmiðlum eftir viðtalið; hann ræddi þar málefni hinsegin fólks við Þorbjörgu Þorvaldsdóttir sem er verkefnastýru Samtakanna ´78.
Það eru hins vegar ekki allir ósáttir við málflutning Snorra; Rósa Guðbjartsdóttir er ein þeirra er tekur málstað Snorra:
„Öll þau grófu ummæli sem hafa fallið um Snorra Másson eftir Kastljósumræðurnar í gær sýna að margir sem þykjast alfarið vera á móti hatursumræðu eru augljóslega bara á móti umræðu sem þeir sjálfir hata,“ skrifaði Rósa á Facebook-síðu sinni.
Viðbrögðin voru mikil enda málefnið eldfimt og séra Jóna Hrönn Bolladóttir ritaði um orð Rósu:
„Það er ekki þöggun þegar bent er á að fólk megi sjálft ákvarða kyn sitt og kynhneigð án þess að þurfa að færa fyrir því rök svo ungir Miðflokksmenn um allan heim geti andmælt með Morfísræðu eins og sjálfsmynd og tilfinningar samkynhneigðra og transfólks sé aðeins útdregið umræðuefni í keppni um ræðumann kvöldsins. Þetta er því miður skortur á félagslegu innsæi og samlíðan sem ég vona að eldist fljótt af ungum mönnum sem eiga eftir að bragða betur á lífinu.”
Margir hafa lagt orð í belg um málið og virðast flestir á því að Snorri hafi gengið of langt og eru hissa á því að Rósa taki undir með honum.
