Varpa nýju ljósi á andlát Lilo & Stitch-leikkonunnar Daveigh Chase

Leik­konan Daveigh Chase, sem þekkt­ust var fyrir hlut­verk sitt í Disney-mynd­inni Lilo & Stitch, glímdi við alvar­leg veik­indi áður en hún lést 35 ára að aldri þann 16. júní síð­ast­lið­inn. Nýjar upp­lýs­ingar úr skýrslu rétt­ar­meina­fræð­ings í Los Angeles sýna að hún var lögð inn á sjúkra­hús aðeins tólf dögum fyrir and­látið.

Samkvæmt upp­lýs­ingum sem rétt­ar­meina­fræð­ing­ur­inn stað­festi við tíma­ritið Us Weekly fannst Chase í aft­ur­sæti bif­reiðar þann 4. júní, með höf­uð­verk, mátt­leysi, rugl­ing og verki í hægri þum­al­fingri. Þá fannst pípa sem notuð er við neyslu metam­fetamíns í nágrenni hennar. Hún var flutt með sjúkra­bíl á sjúkra­hús.

Í skýrslu rétt­ar­meina­fræð­ings­ins kemur fram að hún hafi verið með langt gengna HIV-sýk­ingu og alnæmi, auk alvar­legs þyngd­ar­taps og sveppa­sýk­ingar sem kall­ast cryptococcosis.

Alvar­legt þyngd­ar­tap af þessu tagi felur í sér að ein­stak­lingur missir ósjálfrátt að minnsta kosti tíu pró­sent af lík­ams­þyngd sinni, þar á meðal vöðvamassa og fitu. Slíkt ástand getur fylgt alvar­legum lang­vinnum sjúk­dómum.

Cryptococcosis er sveppa­sýk­ing sem getur haft alvar­legar afleið­ingar fyrir fólk með skert ónæm­is­kerfi, meðal ann­ars ein­stak­linga með HIV eða alnæmi.

Chase, sem hét réttu nafni Daveigh Schwallier, var einnig greind með sýk­ingu í þum­al­fingri og MRSA-bakt­er­íu­sýk­ingu. MRSA er teg­und stafýlókokka­bakt­eríu sem hefur þróað með sér ónæmi gegn mörgum sýkla­lyfjum sem venju­lega eru notuð við slíkum sýk­ingum.

Eit­ur­efna­rann­sóknir leiddu jafn­framt í ljós að metam­fetamín og fentanýl voru í lík­ama hennar.

Í skýrsl­unni kemur fram að Chase hafi glímt við langt gengið og ómeð­höndlað HIV/alnæmi og neytt fíkni­efna. Heilsu hennar hafi hrakað allt þar til hún lést.

Lést af völdum alnæmistengdra veikinda

Samkvæmt gögnum rétt­ar­meina­fræð­ings­ins í Los Angeles lést Chase 16. júní af völdum sjúk­dóms sem tengd­ist alnæmi. Fíkni­efna­neysla var jafn­framt skráð sem mik­il­vægur sam­verk­andi þáttur í and­lát­inu.

Hún lést á sjúkra­húsi og var dán­ar­or­sökin skráð sem nátt­úru­leg.

Eftir and­lát hennar sagði kær­asti hennar, Roy Hernandez, frá erf­iðri ævi hennar í fjár­öfl­un­ar­færslu á GoFundMe.

„Kærastan mín hefur alltaf verið ljós í lífi mínu. Margir þekkja hana sem hæfi­leik­a­ríka barna­leikkonu úr Lilo & Stitch, Spirited Away og Donnie Darko. En á bak við tjöldin hefur hún þurft að takast á við meira en sinn skerf af erf­ið­leikum,“ skrif­aði hann.

Hann sagði að eftir erf­iða æsku og sárs­auka­full sam­skipti við fjöl­skyldu sína hefði Daveigh orðið fyrir ein­elti og átt erfitt með að finna öryggi og ham­ingju í mið­borg Los Angeles.

„Þegar við kynnt­umst lof­aði ég henni að vernda hana og veita henni þá ást og hlýju sem hún átti skilið. Saman áttum við góðar stundir og fundum von,“ skrif­aði Hernandez.