Jón Gnarr átti erfitt með svefn í nótt og fór á vapp. Sá hann þá grunsamlegan ungan mann á ferli í götunni.
Þingmaðurinn og skemmtikrafturinn Jón Gnarr segir frá því á Facebook að hann hafi tekið eftir grunsamlegum ungum manni í götunni á milli fjögur og fimm í nótt en þingmaðurinn átti erfitt með svefn.
„Var á vappi í nótt svefnvana, milli 4 og 5 þegar ég tók eftir skuggalegum, vel klæddum ungum manni á ferli í götunni. Hann vakti grumsemdir mínar enda löngu kominn háttatími hjá ungum mönnum og ég sjálfur og kominn af lögreglumönnum.“
Jón segist hafa séð manninn bauka eitthvað bak við bíl í götunni og hverfa svo út í nóttina. Í morgun sá hann hvað maðurinn hafði verið að gera.
„Ég sá að hann var eitthvað að bauka aftan við einn bíl í götunni og ætlaði að hringja í 112 en þá hvarf hann á braut útí nóttina. Ég fór svo í morgun og skoðaði verksummerki.“

Reyndist maðurinn hafa verið að mótmæla Teslueign nágranna Jóns en víða um heim er fólk að mótmæla Elon Musk, eiganda Tesla, með ýmsum hætti.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir