Eftirtektarverðar forsíður

Að baki hverri for­síðu Vikunnar liggur mikil vinna. Fyrst er að finna við­mæl­anda, setja sig inn í hug­ar­heim hans og sögu en síðan að kalla við­kom­andi í mynda­töku. Reynt er af fremsta megni að laða fram per­sónu­leik­ann í mynd­inni og ljós­mynd­ari, stílisti, förð­un­ar­fræð­ingur og blaða­maður vinna saman til að ná því marki. Stundum tekst óvenju­lega vel til og hér eru nokkrar eft­ir­tekt­ar­verðar for­síður.

„Ástin kviknaði í Sjallanum“

Salka Sól Eyfeld er flestum Íslend­ingum kunn. Hún hefur verið reglu­lega í sjón­varpi lands­manna und­an­farnar vikur í þætt­inum The Voice Ísland og um þar síð­ustu helgi sigr­aði hennar kepp­andi, Karitas Harpa Dav­íðs­dóttir.

Hún er sann­kall­aður þús­und­þjala­smiður; söng­kona, laga­höf­undur, rapp­ari, útvarps­kona, dóm­ari, kærasta og svo margt fleira.

For­síðu­mynd: Aldís Páls­dóttir
Förðun, hár og stílis­er­ing: Herdís Mjöll Eiríks­dóttir

________________________________________________________

„Húmor er vanmetið vopn”

Ágústa Eva Erlends­dóttir var í óða önn að gera upp æsku­heim­ili sitt í Hvera­gerði þegar Vikan sótti hana heim. Hún er hér í ein­lægu og fal­legu við­tali um húsa­við­gerðir, keppn­is­skap, ást­ina og vel­gengni.

Ágústa Eva hefur glímt við van­heilsu í kjöl­far alvar­legs slyss sem hún varð fyrir á bíla­þvotta­stöð en er nú að ná sér á strik aftur og til­kynnti stuttu eftir að við­talið fór fram að hún bæri barn undir belti.

Hún býr nú í Barcelona ásamt ást­inni sinni og tveimur börnum.

For­síðu­mynd: Íris Dögg Ein­ars­dóttir
Förðun og stílis­er­ing: Helga Krist­jáns

________________________________________________________

„Við höfum sofið hjá sama fólkinu trekk í trekk”

Hinar stór­skemmti­legu Reykja­vík­ur­dætur létu gamm­inn geisa í hressi­legu for­síðu­við­tali þar sem allt var látið flakka. Síð­ast­liðið vor stigu þær á svið í Borg­ar­leik­hús­inu og fengu þar að leika þar lausum hala.  Sýningin var skemmti­leg blanda af rappi og ein­lægum frá­sögnum rapp­ettn­anna en von er á að hóp­ur­inn end­ur­taki leik­inn í ár og stigi aftur á litla svið Borg­ar­leik­húss­ins.

For­síðu­mynd: Hallur Karlsson
Förðun: Gunn­hildur Birna Gunn­ars­dóttir og Natalie Hamzehpour
Stílis­er­ing: Jóhanna Rakel Jón­as­dóttir

________________________________________________________

„Harmleikur færði fjölskylduna saman”

Aníta Ísey Jóns­dóttir lærði snemma að taka stórar ákvarð­anir. Fimmtán ára stýrði hún fyrstu upp­skeru­sýn­ingu ball­ett­skóla fjöl­skyldu sinnar og hefur und­an­farin tvö ár séð um sviðs­fram­komu kepp­enda í Miss Universe Iceland en keppin var haldin í sept­em­ber síð­ast­liðnum. Fyrr á árinu missti Aníta ungan bróður sinn í hörmu­legu slysi í Hvera­gerði og segir dauða hans hafa fært fjöl­skyld­una saman.
For­síðu­mynd og mynd­vinnsla: Aldís Páls­dóttir
Förðun: Gunn­hildur Birna Gunn­ars­dóttir

________________________________________________________

„Mér hefur alltaf verið skítsama um kynlíf”

Sonja Bjarna­dóttir hefur aldrei skil­greint sig út frá kyn­hneigð. Hún hafnar því að kyn­hvöt sé ákvörðun en seg­ist hafa lært að skil­greina sig rétt. Sonja er eikyn­hneigð en segir hug­takið vefj­ast fyrir flestum. Hún steig fram í opin­skáu við­tali og útskýrði sína hlið.

For­síðu­mynd og mynd­vinnsla: Aldís Páls­dóttir
Förðun: Helga Sæunn Þor­kels­dóttir