Nashville (2012-2018)
Þættir sem ég er ekkert mikið að segja fólki frá því að ég horfi á heita Nashville og eru um country-stjörnur í Nashville Tennesse sem ganga í gegnum hæðir og lægðir. Ég hef eytt mörgum kvöldum, já og heilum frídögum í að horfa á þættina vælandi úr mér augun, hlæjandi og fagnandi þegar eitthvert par byrjar loksins að vera saman, á milli þess sem ég finn karaoke-útgáfur af lögunum sem eru samin sérstaklega fyrir þáttinn og syng hástöfum ein heima hjá mér og ímynda mér að ég sé að leika í þáttunum. Ég er alveg miður mín yfir því að þættirnir séu að hætta eftir þessa seríu.
S Club 7 The greatest hits (2003)
Ég hef alltaf verið mjög hrifin af breskum söngsveitum og byrjaði það allt saman með Spice Girls. En bandið sem náði mér alveg voru S Club 7 sem var band sem byrjaði upp úr 2000. Ég kann hvert einasta lag og gott ef ég kann ekki meirihlutinn af danssporunum þeirra líka. Enn þann dag í dag þegar ég er að gera mig til fyrir djammið hendi ég stundum S club 7 Greatest hits í gang og syng af innlifun með hverju einasta lagi. Ég var líka ofboðslega hrifin af þáttunum þeirra sem voru sýndir á Stöð tvö áður fyrr. Þeir fjölluðu um leið þeirra að heimsfrægð og hef ég leitað lengi af þeim því ég þrái að horfa á alla þættina aftur. Ég bíð spennt eftir reunioni.
Athugasemdir