Heillast af glamúr og glitri

Þegar talið berst að tísku seg­ist Móeiður Svala heill­ast af glamúr og glitri. „Mér finnst ekki leið­in­legt að versla, svo það má segja að ég sé svo­lítið með putt­ann á púls­inum þegar að þessu kemur. Ég elska nýja og spenn­andi strauma. Mér finnst mjög mik­il­vægt að maður klæð­ist því sem maður vill, óháð því hvað öðrum finnst. Sjálf er ég mikið í drögtum, sam­fest­ingum, pelsum, kápum og hælum. En líka hettu­peysu og striga­skóm, það kemur fyrir. Ég versla mest í Zara hér heima en þegar ég er stödd erlendis heim­sæki ég alltaf versl­anir Guess, Ted Baker, og Massimo Dutti. Net­hring­ur­inn inni­heldur svo síð­urnar, na-kd.com, pret­t­ylitt­let­hing.com, fas­hionnova.com og missgcouture.com.“

Aðspurð hvaða konur veiti mestan inn­blástur nefnir Móeiður Svala þær Victoriu Beckham og Gigi Hadid. „Þær eru alltaf flottar sama í hverju þær eru en svo eru þær líka svo flottar fyr­ir­myndir.

Að mínu mati eiga allar konur að eiga minnst einn glæsi­legan kjól sem lætur þeim líða eins og prinsessu í. Fjólu­blái kjóll­inn sem ég keppti í í Miss Universe Iceland er einmitt þannig kjóll og sú flík sem hefur mesta til­finn­inga­lega gildið í mínum fata­skáp, en svo er auð­vitað skylda fyrir alla að eiga góðan blazer og þægi­lega hæla­skó.“

„Bláa Ted Baker-kápan er klár­lega upp­á­halds­flíkin mín því ég brosi alltaf þegar ég hugsa um hana. Ég keypti hana í London. Þetta var æðis­leg ferð sem ég hugsa alltaf um þegar ég fer í kápuna.“

„Má ég segja að snjó­brettið mitt eða bíll­inn sé upp­á­halds­fylgi­hlut­ur­inn? Ef ekki verð ég að segja Prada-sól­gler­augun mín sem hafa reynst mer mjög vel og eru mikið notuð.“

„Nýleg kaup í fata­skápnum eru neon­bleiku hæl­arnir mínir og bleika Guess-taskan. Töskuna gat ég bara ekki hætt að hugsa um í nokkra daga svo ég varð að fá hana og ég sé alls ekki eftir því enda nota ég hana næstum dag­lega. Skóna valdi ég mér þegar ég var að leita að eitt­hverju til þess að sýna per­sónu­leika minn betur fyrir dóm­ara­við­talið í Miss Universe Iceland. Ég hafði ákveðið að vera í hvítri dragt og mig vant­aði eitt­hvað til að poppa upp, og þá fann ég skóna. Þeir end­uðu á að vera mjög vin­sælir.“

Guess-taskan er í upp­á­haldi hjá Móeiði.

Myndir / Hákon Davíð Björns­son